ಮುಂಬೈ: ತನ್ನ 10ನೇ ವಾರ್ಷಿಕೋತ್ಸವದ ಸಂಭ್ರಮದಲ್ಲಿರುವ ರಿಲಯನ್ಸ್ ಜಿಯೋ (Reliance Jio) ಗ್ರಾಹಕರಿಗೆ ಭರ್ಜರಿ ಕೊಡುಗೆಯೊಂದನ್ನು ಘೋಷಿಸಿದೆ. ಇಂದಿಗೂ 2ಜಿ ಫೋನ್ ಬಳಸುತ್ತಿರುವವರನ್ನು 4ಜಿ ನೆಟ್ವರ್ಕ್ಗೆ ಸೆಳೆಯಲು ಕಂಪನಿಯು ಜಿಯೋಭಾರತ್ 4ಜಿ ಫೋನ್ ಅನ್ನು ₹1,499ಕ್ಕೆ ಪರಿಚಯಿಸಿದ್ದು, ಇದರೊಂದಿಗೆ 6 ತಿಂಗಳ ಕಾಲ ಉಚಿತ ರೀಚಾರ್ಜ್ ಸೌಲಭ್ಯವನ್ನು ನೀಡುತ್ತಿದೆ.

ಉಚಿತ ಸೌಲಭ್ಯ: 6 ತಿಂಗಳ ಅವಧಿಯಲ್ಲಿ ಪ್ರತಿ ತಿಂಗಳು 14 ಜಿಬಿ ಡೇಟಾ ಹಾಗೂ ಅನಿಯಮಿತ ಎಚ್ಡಿ ವಾಯ್ಸ್ ಕಾಲಿಂಗ್ ಲಭ್ಯವಿರಲಿದೆ.

ಕನಿಷ್ಠ ನಿವ್ವಳ ವೆಚ್ಚ: 2ಜಿ ಬಳಕೆದಾರರು ಸಾಮಾನ್ಯವಾಗಿ ತಿಂಗಳಿಗೆ ₹199 ರಂತೆ 6 ತಿಂಗಳಿಗೆ ಸುಮಾರು ₹1,200 ರೀಚಾರ್ಜ್ಗೆ ಖರ್ಚು ಮಾಡುತ್ತಾರೆ. ಇದರಿಂದ ಫೋನ್ ಖರೀದಿಯ ನಿವ್ವಳ ಹೆಚ್ಚುವರಿ ವೆಚ್ಚ ಕೇವಲ ₹299 ಮಾತ್ರ ಆಗುತ್ತದೆ (ಆದರೆ ಗ್ರಾಹಕರು ಖರೀದಿಸುವಾಗ ಸಂಪೂರ್ಣ ₹1,499 ಪಾವತಿಸಬೇಕು).

ಹೆಚ್ಚುವರಿ ವೈಶಿಷ್ಟ್ಯಗಳು: ಫೋನ್ ನಲ್ಲಿ 500ಕ್ಕೂ ಅಧಿಕ ಲೈವ್ ಟಿವಿ ಚಾನೆಲ್ ಗಳ ಜಿಯೋಟಿವಿ, ಜಿಯೋಹಾಟ್ಸ್ಟಾರ್ ಮನರಂಜನೆ ಹಾಗೂ ಜಿಯೋಪೇ ಮೂಲಕ ಯುಪಿಐ (UPI) ಪಾವತಿ ಸೌಲಭ್ಯವಿದೆ.

ಈ ಫೋನ್ 2.4 ಇಂಚಿನ ಡಿಸ್ಪ್ಲೇ ಮತ್ತು 2000mAh ಬ್ಯಾಟರಿಯನ್ನು ಹೊಂದಿದೆ. ಈ ವಿಶೇಷ ಕೊಡುಗೆಯು ಜಿಯೋಭಾರತ್ ನ ನಿರ್ದಿಷ್ಟ A1, B1, B2 ಮತ್ತು B3 ಮಾಡೆಲ್ಗಳಿಗೆ ಮಾತ್ರ ಅನ್ವಯಿಸುತ್ತದೆ.