ಆಲಪ್ಪುಳ: 6 ಗಂಟೆಗಳ ಅವಧಿಯಲ್ಲಿ ಕೋಳಿಯೊಂದು 24 ಮೊಟ್ಟೆಗಳನ್ನಿಟ್ಟ ಅಪರೂಪದ ಘಟನೆಯೊಂದು  ಕೇರಳದ ಆಲಪ್ಪುಳದಲ್ಲಿ ನಡೆದಿದ್ದು, ಈ ಘಟನೆಯಿಂದ ಮನೆ ಮಾಲಿಕರು ಹಾಗೂ ಸ್ಥಳೀಯರು ಅಚ್ಚರಿಗೀಡಾಗಿದ್ದಾರೆ.

ಆಲಪ್ಪುಳದ ಪುನ್ನಪ್ರದ ಬಿಜುಕುಮಾರ್ ಎಂಬುವವರ ಬಿವಿ-380 ಹೈಬ್ರಿಡ್ ಜಾತಿಯ ಕೋಳಿ ಬೆಳಗ್ಗೆ 8.30ರಿಂದ ಮಧ್ಯಾಹ್ನ 2:30ರ ನಡುವೆ 24 ಮೊಟ್ಟೆಗಳನ್ನು ಇಟ್ಟಿದೆ.

ಕೋಳಿ ಕುಂಟುತ್ತಿರುವುದನ್ನು ಗಮನಿಸಿದ ಬಿಜುಕುಮಾರ್ ತೈಲ ಹಚ್ಚಿ ನಿಲ್ಲಿಸಿದರು.  ಸ್ವಲ್ಪ ಸಮಯದ ನಂತರ ಕೋಳಿ ಮೊಟ್ಟೆ  ಇಡಲು ಆರಂಭಿಸಿತು. ಈ ಅಚ್ಚರಿಯ ವಿಚಾರ ನೆರೆಯ ಮನೆಯವರಿಗೆ ತಿಳಿಯುತ್ತಿದ್ದಂತೆಯೇ, ಕೋಳಿ ಮೊಟ್ಟೆ ಇಡುತ್ತಿರುವುದನ್ನು ನೋಡಲು ಸ್ಥಳೀಯರೂ ಬಂದು ಸೇರಿದರು.

ಮಧ್ಯಾಹ್ನ 2:30ರವರೆಗೂ ಕೋಳಿ ಮೊಟ್ಟೆ ಇಡುತ್ತಿತ್ತು. ಈ ರೀತಿಯಾಗಿ ಕೋಳಿ ಮೊಟ್ಟೆ ಇಡುತ್ತಿರುವುದನ್ನು ಇದೇ ಮೊದಲ ಬಾರಿಗೆ ನೋಡುತ್ತಿದ್ದೇವೆ ಎಂದು ಸ್ಥಳೀಯರು ಅಚ್ಚರಿ ವ್ಯಕ್ತಪಡಿಸಿದರು.

ಏಳು ತಿಂಗಳ ಹಿಂದೆ ಬಿಜು ಅವರು 23 ಕೋಳಿಗಳನ್ನು ಬ್ಯಾಂಕ್ ನಿಂದ ಸಾಲ ಪಡೆದು ಖರೀದಿಸಿದ್ದರು.  ಅದರಲ್ಲಿ ಒಂದು ಕೋಳಿ ಈ ರೀತಿಯ ಅಚ್ಚರಿಯನ್ನು ಸೃಷ್ಟಿಸಿದೆ. ಈ ಕೋಳಿಯನ್ನು ಬಿಜು ಅವರ ಮಗಳು ಪ್ರೀತಿಯಿಂದ ಚಿನ್ನು ಎಂದು ಕರೆಯುತ್ತಿದ್ದಳು. ಇದೀಗ ಈ ಕೋಳಿ ಅಚ್ಚರಿಯನ್ನು ಸೃಷ್ಟಿಸಿದೆ.

ಕೋಳಿ ಈ ರೀತಿಯಲ್ಲಿ ಮೊಟ್ಟೆ ಇಡಲು ಕಾರಣ ಏನು ಎನ್ನುವುದು ತಿಳಿದು ಬಂದಿಲ್ಲ. ತಜ್ಞರು ಕೂಡ ಈ ಘಟನೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಈ ಘಟನೆಯನ್ನು ಅರ್ಥ ಮಾಡಿಕೊಳ್ಳಲು ವೈಜ್ಞಾನಿಕ ಅಧ್ಯಯನಗಳ ಅಗತ್ಯವಿದೆ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಮಹಾನಾಯಕ ಮಾಧ್ಯಮದ ಸುದ್ದಿಗಳನ್ನು ಪಡೆಯಲು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ 8088059494 ನಂಬರ್ ಸೇರಿಸಿ. ನಿರಂತರ ಸುದ್ದಿಗಳನ್ನು ಪಡೆಯಿರಿ…

ವಾಟ್ಸಾಪ್ ಗ್ರೂಪ್ ಗೆ ಸೇರಿ: https://chat.whatsapp.com/LSRN1q7jVDz3PsMb1GzrwE

ಡೈಲಿ ಹಂಟ್ ನಲ್ಲಿ ಫಾಲೋ ಮಾಡಿ: https://profile.dailyhunt.in/mahanayaka

ಇನ್ನಷ್ಟು ಸುದ್ದಿಗಳು

ತಂಗಿಯ ಚಿತೆಗೆ ಹಾರಿ ಆತ್ಮಹತ್ಯೆಗೆ ಶರಣಾದ ಅಣ್ಣ!

ಸಚಿವರ ಪುತ್ರನ ಮೇಲೆ ಅತ್ಯಾಚಾರ ಆರೋಪ ಮಾಡಿದ ಯುವತಿ ಮೇಲೆ ಇಂಕ್ ದಾಳಿ

ಒಂದೆಡೆ ಪ್ರತಿಭಟನೆ ಮತ್ತೊಂದೆಡೆ ರಾಹುಲ್ ಗಾಂಧಿ ವಿಚಾರಣೆ!

ಇಡಿ ಕಚೇರಿಗೆ ರಾಹುಲ್ ಗಾಂಧಿ ಅಧಿಕಾರಿಗಳಿಂದ ಹಾಜರು

ಖ್ಯಾತ ನಟಿ ಅನುಷ್ಕಾ ಶೆಟ್ಟಿ ಸಹೋದರನ ಹತ್ಯೆಗೆ ಸಂಚು?: ದೂರು ದಾಖಲು