ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ಭಾನುವಾರ 1983 ರ ಕ್ರಿಕೆಟ್ ವಿಶ್ವಕಪ್‌ನಲ್ಲಿ ಭಾರತದ ವಿಜಯವನ್ನು ನೆನಪಿಸಿಕೊಂಡರು. ಅಲ್ಲದೇ ನನ್ನ ಅಜ್ಜಿ ಮತ್ತು ಆಗಿನ ಪ್ರಧಾನಿ ದಿವಂಗತ ಇಂದಿರಾ ಗಾಂಧಿ ಇಡೀ ತಂಡವನ್ನು ಚಹಾಕೂಟಕ್ಕಾಗಿ ಕರೆದಿದ್ದರು ಎಂದು ನೆನಪಿಸಿಕೊಂಡಿದ್ದಾರೆ.

“ಆ ಸಮಯದಲ್ಲಿ ಇಂದಿರಾ ಜಿ ತುಂಬಾ ಸಂತೋಷಪಟ್ಟರು, ಅವರು ಇಡೀ ತಂಡವನ್ನು ಚಹಾಕೂಟಕ್ಕಾಗಿ ಮನೆಗೆ ಕರೆದಿದ್ದರು” ಎಂದು ತೆಲಂಗಾಣದಲ್ಲಿ ಕಾಂಗ್ರೆಸ್ ಪರ ಪ್ರಚಾರ ಮಾಡುವಾಗ ಪ್ರಿಯಾಂಕಾ ನೆನಪಿಸಿಕೊಂಡರು.
ತಮ್ಮ ಅಜ್ಜಿಯ ಜನ್ಮದಿನದಂದು ಮಾತನಾಡಿದ ಪ್ರಿಯಾಂಕಾ, “ಇಂದು ಇಂದಿರಾ ಜಿ ಅವರ ಜನ್ಮದಿನ ಮತ್ತು ನಾವು ಖಂಡಿತವಾಗಿಯೂ ಮತ್ತೆ ವಿಶ್ವಕಪ್ ಗೆಲ್ಲುತ್ತೇವೆ” ಎಂದು ಹೇಳಿದರು.

ಕಾಂಗ್ರೆಸ್ ಮುಖಂಡ ಜೈರಾಮ್ ರಮೇಶ್ ಅವರು 1983 ರ ವಿಜೇತ ತಂಡಕ್ಕೆ ದಿವಂಗತ ಪ್ರಧಾನಿ ಆಯೋಜಿಸಿದ್ದ ಸ್ವಾಗತದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವೀಡಿಯೊದಲ್ಲಿ, ಇಂದಿರಾ ಗಾಂಧಿ ವಿಜೇತ ತಂಡದೊಂದಿಗೆ ಕೈಕುಲುಕುವುದು ಮತ್ತು ಅವರೊಂದಿಗೆ ವಿಶ್ವಕಪ್ ಎತ್ತುವುದನ್ನು ಕಾಣಬಹುದು.