ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ಗಾಝಾದಲ್ಲಿ ತಮ್ಮ ಮಿಲಿಟರಿಯ ನಿರೀಕ್ಷಿತ ನೆಲದ ದಾಳಿಗೆ ಮುಂಚಿತವಾಗಿ “ವಿಜಯದವರೆಗೂ ಹೋರಾಡುವುದಾಗಿ” ಪ್ರತಿಜ್ಞೆ ಮಾಡಿದ್ದಾರೆ. ಏತನ್ಮಧ್ಯೆ, ಇಸ್ರೇಲ್ ದಾಳಿಗಳು ಫೆಲೆಸ್ತೀನ್ ಎನ್ಕ್ಲೇವ್ ಮೇಲೆ ದಾಳಿ ನಡೆಸುತ್ತಿರುವುದರಿಂದ ಗಾಝಾದಲ್ಲಿನ ಪರಿಸ್ಥಿತಿಗಳು ಹದಗೆಡುತ್ತಿವೆ. ಗಾಝಾದ ಆಸ್ಪತ್ರೆಗಳು ಬಹುತೇಕ ಇಂಧನವನ್ನು ಕಳೆದುಕೊಂಡಿವೆ ಎಂದು ಸಹಾಯ ಸಂಸ್ಥೆಗಳು ಎಚ್ಚರಿಕೆ ನೀಡಿವೆ.

ಮಧ್ಯಪ್ರಾಚ್ಯದಾದ್ಯಂತ ಹಲವಾರು ನಗರಗಳಲ್ಲಿ, ಗಾಜಾ ಮುತ್ತಿಗೆಯ ವಿರುದ್ಧ ಪ್ರತಿಭಟನೆಗಳು ನಡೆದವು.
ಇಸ್ರೇಲ್ ಮತ್ತು ಫೆಲೆಸ್ತೀನ್ ಗುಂಪು ಹಮಾಸ್ ನಡುವಿನ ಯುದ್ಧವು ಶನಿವಾರ ಸತತ 15 ನೇ ದಿನಕ್ಕೆ ಕಾಲಿಟ್ಟಿತು. ಹಮಾಸ್ ದಾಳಿಯಲ್ಲಿ 1,400 ಕ್ಕೂ ಹೆಚ್ಚು ಇಸ್ರೇಲಿಗಳು ಸಾವನ್ನಪ್ಪಿದ್ದಾರೆ ಮತ್ತು ಇಸ್ರೇಲ್ ಪ್ರತೀಕಾರದಲ್ಲಿ ಕನಿಷ್ಠ 4,137 ಫೆಲೆಸ್ತೀನೀಯರು ಸಾವನ್ನಪ್ಪಿದ್ದಾರೆ ಎಂದು ಫೆಲೆಸ್ತೀನ್ ಆರೋಗ್ಯ ಸಚಿವಾಲಯ ತಿಳಿಸಿದೆ.

ಹಮಾಸ್ ಅನ್ನು ನಿರ್ಮೂಲನೆ ಮಾಡುವುದಾಗಿ ಪ್ರತಿಜ್ಞೆ ಮಾಡಿದ ನಂತರ ಇಸ್ರೇಲ್, ಗಾಝಾ ಪಟ್ಟಿಯ ಮೇಲೆ ವಾಯು ದಾಳಿ ನಡೆಸುತ್ತಿದೆ. 1,40,000 ಕ್ಕೂ ಹೆಚ್ಚು ಮನೆಗಳು, ಗಾಜಾದಲ್ಲಿನ ಎಲ್ಲಾ ಮನೆಗಳ ಮೂರನೇ ಒಂದು ಭಾಗ – ಹಾನಿಗೊಳಗಾಗಿವೆ, ಸುಮಾರು 13,000 ಸಂಪೂರ್ಣವಾಗಿ ನಾಶವಾಗಿವೆ ಎಂದು ಯುಎನ್ ಹೇಳಿದೆ.
ರಫಾ ಗಡಿ ದಾಟುವಿಕೆಯನ್ನು ತೆರೆದ ನಂತರ ಫೆಲೆಸ್ತೀನಿಯರಿಗೆ ಮಾನವೀಯ ನೆರವು ಸಾಗಿಸುವ ಟ್ರಕ್‌ ಗಳು ಶನಿವಾರ ಈಜಿಪ್ಟ್ ಬಿಂದ ಗಾಜಾ ಪಟ್ಟಿಗೆ ಪ್ರವೇಶ ಮಾಡಿದವು.