ನವದೆಹಲಿ: ಅಮೆರಿಕದ ವಿವಾದಿತ ಉದ್ಯಮಿ ಮತ್ತು ಲೈಂಗಿಕ ಅಪರಾಧಿ ಜೆಫ್ರಿ ಎಪ್ಸ್ಟೀನ್ ಪ್ರಕರಣಕ್ಕೆ ಸಂಬಂಧಿಸಿದ ಹೊಸ ದಾಖಲೆಗಳು (Epstein Files) ಹೊರಬರುತ್ತಲೇ ಇವೆ. ಈ ಕಡತಗಳಲ್ಲಿ ‘ಟ್ರಂಪೆಟ್ ಪ್ಲಾಂಟ್’ (Trumpet Plant) ಅಥವಾ ‘ಜಾಂಬಿ ಫ್ಲವರ್’ ಎಂಬ ಸಸ್ಯದ ಬಗ್ಗೆ ಉಲ್ಲೇಖವಿರುವುದು ಈಗ ಭಾರಿ ಚರ್ಚೆಗೆ ಕಾರಣವಾಗಿದೆ. ವಿಶೇಷವೆಂದರೆ, ಈ ಹೂವು ಭಾರತೀಯ ಹಿಂದೂ ಸಂಪ್ರದಾಯ ಮತ್ತು ಪುರಾಣಗಳಲ್ಲಿ ವಿಶೇಷ ಸ್ಥಾನ ಪಡೆದಿದೆ.

ಇತ್ತೀಚೆಗೆ ಬಹಿರಂಗಗೊಂಡ ಇಮೇಲ್‌ ಗಳ ಪ್ರಕಾರ, ಎಪ್ಸ್ಟೀನ್ ತನ್ನ ನರ್ಸರಿಯಲ್ಲಿ ಈ ‘ಟ್ರಂಪೆಟ್ ಪ್ಲಾಂಟ್’ಗಳನ್ನು ಬೆಳೆಸುತ್ತಿದ್ದನು. ಈ ಗಿಡಗಳಲ್ಲಿ ‘ಸ್ಕೋಪೋಲಮೈನ್’ (Scopolamine) ಎಂಬ ಅಪಾಯಕಾರಿ ರಾಸಾಯನಿಕ ಇರುತ್ತದೆ. ಇದನ್ನು ‘ಡೆವಿಲ್ಸ್ ಬ್ರೆತ್’ (ದೆವ್ವದ ಉಸಿರು) ಎಂದೂ ಕರೆಯಲಾಗುತ್ತದೆ.

ಜಾಂಬಿ ಹೂವು ಯಾಕೆ ಅಪಾಯಕಾರಿ?

• ಸ್ಮರಣಶಕ್ತಿ ನಾಶ: ಈ ಹೂವಿನಿಂದ ತಯಾರಿಸಿದ ಔಷಧಿಯನ್ನು ಸೇವಿಸಿದರೆ ವ್ಯಕ್ತಿಯು ತನ್ನ ವಿವೇಚನಾ ಶಕ್ತಿಯನ್ನು ಕಳೆದುಕೊಳ್ಳುತ್ತಾನೆ.
• ನಿಯಂತ್ರಣ: ಈ ಸ್ಥಿತಿಯಲ್ಲಿರುವ ವ್ಯಕ್ತಿಯನ್ನು ಇತರರು ಸುಲಭವಾಗಿ ನಿಯಂತ್ರಿಸಬಹುದು. ಹೇಳಿದ ಕೆಲಸವನ್ನು ರೋಬೋಟ್‌ನಂತೆ ಮಾಡುತ್ತಾರೆ, ಆದರೆ ನಂತರ ಅವರಿಗೆ ಏನು ನಡೆಯಿತೆಂದು ನೆನಪಿರುವುದಿಲ್ಲ. ಇದೇ ಕಾರಣಕ್ಕೆ ಇದನ್ನು ‘ಜಾಂಬಿ ಹೂವು’ ಎನ್ನಲಾಗುತ್ತದೆ.
• ದುರ್ಬಳಕೆ: ಸಿಐಎ ಮತ್ತು ಮಾದಕವಸ್ತು ಮಾಫಿಯಾಗಳು ಇದನ್ನು ಜನರ ಮೇಲೆ ಪ್ರಯೋಗಿಸುತ್ತಿದ್ದವು ಎಂಬ ಆರೋಪಗಳಿವೆ. ಎಪ್ಸ್ಟೀನ್ ತನ್ನ ಸಂತ್ರಸ್ತರ ಮೇಲೆ ಇದನ್ನು ಬಳಸುತ್ತಿದ್ದನೇ ಎಂಬ ಅನುಮಾನ ಈಗ ವ್ಯಕ್ತವಾಗಿದೆ.

ಹಿಂದೂ ಪುರಾಣ ಮತ್ತು ಶಿವನ ನಂಟು:

ಭಾರತದಲ್ಲಿ ಈ ಹೂವನ್ನು ‘ದತ್ತೂರಿ’ (Datura) ಎಂದು ಕರೆಯಲಾಗುತ್ತದೆ. ಪಾಶ್ಚಿಮಾತ್ಯ ದೇಶಗಳಲ್ಲಿ ಇದು ಭಯಾನಕ ಎನಿಸಿಕೊಂಡಿದ್ದರೂ, ಭಾರತೀಯ ಸಂಸ್ಕೃತಿಯಲ್ಲಿ ಇದಕ್ಕೆ ಪವಿತ್ರ ಸ್ಥಾನವಿದೆ. ಸಮುದ್ರ ಮಂಥನದ ವೇಳೆ ಉದ್ಭವಿಸಿದ ಹಾಲಾಹಲ ವಿಷವನ್ನು ಶಿವನು ಕುಡಿದಾಗ, ಆ ವಿಷದ ಅಂಶದಿಂದ ದತ್ತೂರಿ ಗಿಡ ಹುಟ್ಟಿತು ಎಂಬ ನಂಬಿಕೆಯಿದೆ. ಶಿವನು ಸಂಹಾರಕ ಮತ್ತು ತೀವ್ರ ಗುಣದ ದೇವನಾಗಿರುವುದರಿಂದ, ಈ ವಿಷಕಾರಿ ಗುಣವುಳ್ಳ ದತ್ತೂರಿ ಹೂವು ಮತ್ತು ಕಾಯಿಯನ್ನು ಶಿವನಿಗೆ ಅರ್ಪಿಸಲಾಗುತ್ತದೆ. ಮಹಾಶಿವರಾತ್ರಿಯಂದು ಈ ಹೂವಿಗೆ ವಿಶೇಷ ಬೇಡಿಕೆ ಇರುತ್ತದೆ. ಈ ಮಾಹಿತಿಗಳು ಆನ್ ಲೈನ್ ಮಾಹಿತಿಗಳ ಆಧಾರದಲ್ಲಿ ನೀಡಲಾಗಿದೆ.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 9686399493 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ:

https://chat.whatsapp.com/H1duNIQRfXnJcfQKWPzNqD