ಕೇಂಬ್ರಿಡ್ಜ್‌ನಲ್ಲಿ ರಾಮಕಥೆ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ರಿಷಿ ಸುನಕ್: ‘ನಾನು ಹಿಂದೂ’ ಎಂದ ಬ್ರಿಟಿಷ್ ಪ್ರಧಾನಿ
16/08/2023
ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದ ಆವರಣದಲ್ಲಿ ಆಯೋಜಿಸಿದ್ದ ಆಧ್ಯಾತ್ಮಿಕ ಬೋಧಕ ಮೊರಾರಿ ಬಾಪು ಅವರ ‘ರಾಮ ಕಥೆ’ಯಲ್ಲಿ ಭಾಗವಹಿಸಿದ ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಅವರು ನಾನು ಇಂದು ಪ್ರಧಾನಿಯಾಗಿ ಅಲ್ಲ, ಹಿಂದೂವಾಗಿ ಇಲ್ಲಿಗೆ ಬಂದಿದ್ದೇನೆ ಎಂದು ಹೇಳಿದರು.
“ಭಾರತೀಯ ಸ್ವಾತಂತ್ರ್ಯ ದಿನದಂದು ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ಮೊರಾರಿ ಬಾಪು ಅವರ ರಾಮ ಕಥೆಯಲ್ಲಿ ಭಾಗಿಯಾಗಿರುವುದು ನಿಜವಾಗಿಯೂ ಗೌರವ ಮತ್ತು ಸಂತೋಷವಾಗಿದೆ. ಬಾಪು, ನಾನು ಇಂದು ಇಲ್ಲಿರುವುದು ಪ್ರಧಾನಿಯಾಗಿ ಅಲ್ಲ, ಹಿಂದೂವಾಗಿ” ಎಂದು ರಿಷಿ ಸುನಕ್ ಹೇಳಿದರು.
ಬ್ರಿಟಿಷ್ ಪ್ರಧಾನಿ ಅವರಿಗೆ ನಂಬಿಕೆ ತುಂಬಾ ವೈಯಕ್ತಿಕವಾಗಿದೆ. ಅದು ಅವರ ಜೀವನದ ಪ್ರತಿಯೊಂದು ಅಂಶದಲ್ಲೂ ಮಾರ್ಗದರ್ಶನ ನೀಡುತ್ತದೆ ಎಂದು ಬಾಪು ಹೇಳಿದರು. ಈ ಕಾರ್ಯಕ್ರಮದ ವೀಡಿಯೊದಲ್ಲಿ, ರಿಷಿ ಸುನಕ್ ಅವರು ‘ಜೈ ಸಿಯಾ ರಾಮ್’ ಗೆ ನಮಸ್ಕರಿಸಿದರು.
