ವಾಷಿಂಗ್ಟನ್:  ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸೋತ ಬೆನ್ನಲ್ಲೇ ಡೊನಾಲ್ಡ್ ಟ್ರಂಪ್ ಗೆ ಪತ್ನಿ  ಮೆಲಾನಿಯಾ ಟ್ರಂಪ್ ಶಾಕ್ ನೀಡಿದ್ದು,  ಡಿವೋರ್ಸ್ ನೀಡಲು ಸಜ್ಜಾಗಿದ್ದಾರೆ. ಟ್ರಂಪ್ ಅವರ ಆಡಳಿತ ಅವಧಿಕ ಕೊನೆಯಾಗುತ್ತಿದ್ದಂತೆಯೇ ಮೆಲಾನಿಯಾ ವಿಚ್ಛೇದನ ನೀಡಲಿದ್ದಾರೆ ಎಂದು ವರದಿಯಾಗಿವೆ.

ಶ್ವೇತ ಭವನದ ಮಾಹಿತಿಗಳು ಈ ವಿಚಾರವನ್ನು ಹೇಳಿವೆ ಎಂದು ಅಮೆರಿಕ ಮಾಧ್ಯಮಗಳಲ್ಲಿ ಈ ರೀತಿಯ ಸುದ್ದಿಯೊಂದು ಹರಿದಾಡುತ್ತಿದೆ. ಮೆಲಾನಿಯಾ ಟ್ರಂಪ್ ಅವರು ಶ್ವೇತ ಭವನದಲ್ಲಿ ಇದ್ದಷ್ಟು ಕಾಲ ಟ್ರಂಪ್ ನಿಂದ ಪ್ರತ್ಯೇಕವಾಗಿಯೇ ಇದ್ದು, ಪ್ರತ್ಯೇಕ ಕೊಠಡಿಯಲ್ಲಿ ವಾಸಿಸುತ್ತಿದ್ದರು.

ಟ್ರಂಪ್ ಗೆ ಡಿವೋರ್ಸ್ ನೀಡಲು ಈ ಹಿಂದೆಯೇ ಮೆಲಾನಿಯಾ ಟ್ರಂಪ್ ಯೋಜನೆ ಹಾಕಿದ್ದರು. ಆದರೆ ಟ್ರಂಪ್ ಅಧಿಕಾರದಲ್ಲಿದ್ದುದರಿಂದ ತನ್ನನ್ನು ಶಿಕ್ಷಿಸಬಹುದು ಎಂಬ ಭಯದಿಂದ ಡಿವೋರ್ಸ್ ನೀಡಿರಲಿಲ್ಲ.  ಟ್ರಂಪ್ ಅಧಿಕಾರವಧಿ ಕೊನೆಗೊಳ್ಳುತ್ತಿದ್ದಂತೆಯೇ ಅವರಿಗೆ ವಿಚ್ಛೇದನ ನೀಡಲು ಮೆಲಾನಿಯಾ  ನಿರ್ಧರಿಸಿದ್ದಾರಂತೆ.