Provided by

ಟಾಟಾ ಸಂಸ್ಥೆಯ ಮಾಜಿ ಅಧ್ಯಕ್ಷ ರತನ್ ಟಾಟಾರಿಗೆ ಬೆದರಿಕೆ ಕರೆ ಮಾಡಿದ ಘಟನೆ ಬೆಳಕಿಗೆ ಬಂದಿದೆ. ‘ರತನ್ ಟಾಟಾ ಅವರ ಭದ್ರತೆಯನ್ನು ಹೆಚ್ಚಿಸಿ. ಇಲ್ಲದಿದ್ದರೆ ಅವರ ಸ್ಥಿತಿಯೂ ಸೈರಸ್ ಮಿಸ್ತ್ರಿ ಅವರಂತೆಯೇ ಇರುತ್ತದೆ’ ಎಂದು ಕರೆ ಮುಂಬೈ ಪೊಲೀಸ್‌ ಕಟ್ರೋಲ್‌ಗೆ ವ್ಯಕ್ತಿ ಕರೆ ಮಾಡಿದ್ದ.

ಇದರಿಂದ ಅಲರ್ಟ್‌ ಆದ ಪೊಲೀಸರು ರತನ್‌ ಟಾಟಾ ಅವರಿಗೆ ಭದ್ರತೆ ನೀಡಿದ್ದರು. ಇದರ ಜೊತೆಗೆ ಕರೆ ಮಾಡಿದವನ ಪತ್ತೆಗೆ ತಂಡ ರಚಿಸಿದ್ದರು.  ಕರೆ ಮಾಡಿದವರನ್ನು ಸಂಪರ್ಕಿಸಲು ಪ್ರಯತ್ನಿಸಿದಾಗ ಆತನ ಫೋನ್ ಸ್ವಿಚ್ ಆಫ್ ಆಗಿತ್ತು. ನಂತರ ಪೊಲೀಸರು ತಾಂತ್ರಿಕ ಬೆಂಬಲದಿಂದ ಹಾಗೂ ಟೆಲಿಕಾಂ ಕಂಪನಿಯ ಸಹಾಯದಿಂದ ಕರೆ ಮಾಡಿದವರನ್ನು ಪತ್ತೆಹಚ್ಚಿದ್ದಾರೆ.

ಕರೆ ಮಾಡಿದವರ ಸ್ಥಳವನ್ನು ಕರ್ನಾಟಕದಲ್ಲಿ ಪತ್ತೆಹಚ್ಚಲಾಯಿತು ಮತ್ತು ಅವರ ವಿಳಾಸವನ್ನು ಪರಿಶೀಲಿಸಿದಾಗ ಕರೆ ಮಾಡಿದವರು ಪುಣೆ ನಿವಾಸಿ ಎಂದು ತಿಳಿದುಬಂದಿದೆ. ಈತ ಕಳೆದ 5 ದಿನಗಳಿಂದ ಕಾಣೆಯಾಗಿದ್ದ ಮತ್ತು ಅವರ ಪತ್ನಿ ಕೂಡ ಅವರು ಕಾಣೆಯಾದ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ವಿಚಾರಣೆಯ ಸಮಯದಲ್ಲಿ ಕರೆ ಮಾಡಿದವನಿಗೆ ಸ್ಕಿಜೋಫ್ರೇನಿಯಾ ಇತ್ತು ಮತ್ತು ಅವನು ಯಾರಿಗೂ ತಿಳಿಸದೆ ಮನೆಯಿಂದ ಫೋನ್ ತೆಗೆದುಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.