Provided by

ಉತ್ತರ ಪ್ರದೇಶದ ಆಗ್ರಾದಲ್ಲಿ 11 ನೇ ತರಗತಿಯ ವಿದ್ಯಾರ್ಥಿಯೊಬ್ಬ ತನ್ನ ತಾಯಿ ಕರ್ವಾ ಚೌತ್ ಕಾರ್ಯಕ್ರಮಕ್ಕೆ ಮನೆಗೆ ಬಾರದಿದ್ದಕ್ಕೆ ನೊಂದು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.‌ ಪರಸ್ ಎಂದು ಗುರುತಿಸಲಾದ ಹುಡುಗನ ತಾಯಿ ಶಕುಂತಲಾ, ತನ್ನ ಗಂಡನೊಂದಿಗೆ ಜಗಳವಾಡಿದ ನಂತರ ಸುಮಾರು ಒಂದೂವರೆ ವರ್ಷಗಳಿಂದ ತನ್ನ ತಾಯಿಯ ಮನೆಯಲ್ಲಿ ವಾಸಿಸುತ್ತಿದ್ದಳು. ಕರ್ವಾ ಚೌತ್ ಸಂದರ್ಭದಲ್ಲಿ ಮನೆಗೆ ಮರಳಬೇಕೆಂಬ ತನ್ನ ಮಗನ ಮನವಿಯನ್ನು ಆಕೆ ತಿರಸ್ಕರಿಸಿದ್ದರಿಂದ ಪರಾಸ್ ಈ ರೀತಿ ಮಾಡಿದ್ದಾನೆ.

ಕುಟುಂಬದ ಪ್ರಕಾರ, ಪಾರಸ್ ಅವರ ತಂದೆ ಮನೋಜ್ ಕುಮಾರ್ ಶುಕ್ಲಾ ಅವರು ಕಾರ್ಮಿಕರಾಗಿದ್ದು, ತಮ್ಮ 18 ವರ್ಷದ ಮಗನೊಂದಿಗೆ ಅವರ ಮನೆಯಲ್ಲಿ ವಾಸಿಸುತ್ತಿದ್ದರು. ತನ್ನ ತಾಯಿಯ ಅನುಪಸ್ಥಿತಿಯಿಂದಾಗಿ ಮತ್ತು ಅವರೊಂದಿಗೆ ಮಾತನಾಡಲು ಸಾಧ್ಯವಾಗದ ಕಾರಣ ಪರಾಸ್ ಸ್ವಲ್ಪ ಸಮಯದಿಂದ ಖಿನ್ನತೆಯಿಂದ ಬಳಲುತ್ತಿದ್ದ. ಅವನು ತನ್ನ ತಾಯಿಯೊಂದಿಗೆ ಮಾತನಾಡಲು ಮತ್ತು ಮನೆಗೆ ಮರಳಲು ಹಲವಾರು ಬಾರಿ ಬೇಡಿಕೊಂಡಿದ್ದ. ಆದರೆ ಅವನ ತಾಯಿ ಅವನನ್ನು ನಿರ್ಲಕ್ಷ್ಯಿಸಿದ್ದಳು.

ಪರಾಸ್ ತನ್ನ ತಂದೆಯೊಂದಿಗೆ ಊಟ ಮಾಡಿ, ಕರ್ವಾ ಚೌತ್ ಕಾರ್ಯಕ್ರಮಕ್ಕೆ ಮನೆಗೆ ಮರಳುವಂತೆ ತನ್ನ ತಾಯಿಯನ್ನು ಕೇಳಿಕೊಂಡಿದ್ದ. ಆದರೆ ಆಕೆ ನಿರಾಕರಿಸಿದಳು. ಆ ಸಂಜೆ ನಂತರ, ಪರಾಸ್ ತನ್ನ ಕೋಣೆಗೆ ಹೋಗಿ ಸೀಲಿಂಗ್ ಫ್ಯಾನ್ ಗೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಪೊಲೀಸ್ ವರದಿಯಲ್ಲಿ ಸೇರಿಸಲಾಗಿದೆ.
ಆತನ ತಂದೆ ಮನೆಗೆ ಮರಳಿದಾಗ ತಮ್ಮ ಮಗ ಸೀಲಿಂಗ್ ಫ್ಯಾನ್ ಗೆ ನೇಣು ಬಿಗಿದುಕೊಂಡಿರುವುದನ್ನು ಕಂಡು‌ ಕಿರುಚುತ್ತಾ ನೆರೆಹೊರೆಯವರನ್ನು ಕರೆಸಿದಾಗ, ಅವರು ಬಾಲಕನ ಶವವನ್ನು ಇಳಿಸಿ ಹತ್ತಿರದ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅಲ್ಲಿಗೆ ತಲುಪಿದಾಗ ಆತ ಸಾವನ್ನಪ್ಪಿದ್ದಾನೆ ಎಂದು ಘೋಷಿಸಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ಮರಣೋತ್ತರ ಪರೀಕ್ಷೆಯ ನಂತರ ಪರಸ್‌ನ ದೇಹವನ್ನು ಮನೆಗೆ ಕಳುಹಿಸಲಾಯಿತು. ಆದರೆ ಅವನ ತಾಯಿ ಶಕುಂತಲಾ ಕೊನೆಯ ಬಾರಿಗೆ ಅವನನ್ನು ನೋಡಲು ಬರಲಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth