ಚಾಮರಾಜನಗರ: ಪ್ರಸಿದ್ಧ ಯಾತ್ರಸ್ಥಳವಾದ ಹನೂರು ತಾಲೂಕಿನ ಮಲೆ ಮಹದೇಶ್ವರ ಬೆಟ್ಟದಲ್ಲಿ ನಡೆದ ಹುಂಡಿ ಎಣಿಕೆಯಲ್ಲಿ ಅಮಾನ್ಯಗೊಂಡ ನೋಟುಗಳು ಪತ್ತೆಯಾಗಿದ್ದು ಲಕ್ಷಾಂತರ ರೂ. ಅಮಾನ್ಯಗೊಂಡ 500,1000₹ ಅಧಿಕ ಸಂಖ್ಯೆಯಲ್ಲಿವೆ‌.

Provided by

ಅಮಾನ್ಯಗೊಂಡು ಹತ್ತಿರ ಹತ್ತಿರ 7 ವರ್ಷಗಳಾದ ಬಳಿಕ ಲಕ್ಷಾಂತರ ರೂ. ಹಣ ಮಾದಪ್ಪನ ಹುಂಡಿ ಸೇರಿದೆ. ಕಳೆದ ಮಂಗಳವಾರ ದೇವಾಲಯ ಹುಂಡಿ ಎಣಿಕೆ ವೇಳೆ ಅಮಾನ್ಯಗೊಂಡ ನೋಟುಗಳು ಪತ್ತೆಯಾಗಿದ್ದವು. ಅದಾದ ಬಳಿಕ, ಇಂದು ಅವುಗಳನ್ನು ಎಣಿಕೆ ಮಾಡಲಾಗಿ  1000₹ ಮುಖಬೆಲೆಯ ನೋಟುಗಳು 677 ಇವೆ (6,77,000) ಹಾಗೂ 500 ಮುಖಬೆಲೆಯ ನೋಟುಗಳು 4353( 21,76,500) ಇದ್ದು ಒಟ್ಟು 28,53,500 ನೋಟುಗಳನ್ನು ಭಕ್ತರು ಹುಂಡಿಯಲ್ಲಿ ಹಾಕಿದ್ದಾರೆ.

2000 ಮುಖಬೆಲೆಯ ನೋಟುಗಳು ಕೂಟ 3.56 ಲಕ್ಷದಷ್ಟು ಸಂಗ್ರಹವಾಗಿದ್ದು ಈ ನೋಟುಗಳು ವಿನಿಮಯ ಮಾಡಿಕೊಳ್ಳಬಹುದಾಗಿದೆ. ಆದರೆ, 28 ಲಕ್ಷದಷ್ಟು ಹಣ ಹುಂಡಿ ಸೇರಿದರೂ ಪ್ರಾಧಿಕಾರಕ್ಕೆ ಪ್ರಯೋಜನಕ್ಕೆ ಬಾರದಂತಾಗಿದೆ.