ನವದೆಹಲಿ:  16 ಲಕ್ಷ ಕಿ.ಮೀ. ವೇಗದಲ್ಲಿ  ಸೌರ ಬಿರುಗಾಳಿ ಭೂಮಿಯನ್ನು ಸಮೀಪಿಸುತ್ತಿದ್ದು, ಇಂದು ಭೂಮಿಯನ್ನು  ಅಪ್ಪಳಿಸಲಿರುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದ್ದು,  ಜಿಪಿಎಸ್, ನೇವಿಗೇಷನ್, ಮೊಬೈಲ್ ಫೋನ್ ಸಿಗ್ನಲ್ ಹಾಗೂ ಉಪಗ್ರಹ ಟಿವಿ ಸಿಗ್ನಲ್ ಗಳಿಗೆ ಧಕ್ಕೆಯುಂಟು ಮಾಡುವ ಸಾಧ್ಯತೆಗಳಿವೆ ಎಂದು ಹೇಳಲಾಗಿದೆ.

Provided by

ಈ ಬಗ್ಗೆ ನಾಸಾ ಮಾಹಿತಿ ನೀಡಿದೆ ಎಂದು ವರದಿಯಾಗಿದ್ದು,  ಇಂದು ಅಪ್ಪಳಿಸುವ ಬಿರುಗಾಳಿಯು ಸೂರ್ಯನ ವಾತಾವರಣದಲ್ಲಿ ಉಂಟಾಗಿರುವುದರಿಂದ ಸೂರ್ಯನ ಆಯಸ್ಕಾಂತೀಯ ಪ್ರಭಾವ ಇರುವ ಕ್ಷೇತ್ರಗಳ ಮೇಲೆ ಪ್ರಭಾವ ಬೀರುತ್ತದೆ ಎಂದು ಹೇಳಿದೆ ಎಂದು ಹೇಳಲಾಗಿದೆ.

ಭೂಮಿಯ ಹೊರಗಿನ ವಾತಾವರಣವನ್ನು ಈ ಸೌರ ಬಿರುಗಾಳಿಯು ಬಿಸಿ ಮಾಡಬಹುದು. ಇದು ಉಪಗ್ರಹಗಳ ಮೇಲೆ ನೇರ ಪರಿಣಾಮ ಬೀರಲಿದ್ದು, ಇದು ಜಿಪಿಎಸ್ ನ್ಯಾವಿಗೇಷನ್, ಮೊಬೈಲ್ ಫೋನ್ ಸಿಗ್ನಲ್ ಮತ್ತು ಸ್ಯಾಟಲೈಟ್ ಟಿವಿಯಲ್ಲಿ ತೊಂದರೆಗೆ ಕಾರಣವಾಗಬಹುದಾಗಿದ್ದು ಜೊತೆಗೆ ವಿದ್ಯುತ್ ಲೈನ್‌ಗಳಲ್ಲಿ ಪ್ರವಾಹವು ಅಧಿಕವಾಗಿರಬಹುದು ಎಂದು ನಾಸಾ ಹೇಳಿದೆ ಎನ್ನಲಾಗಿದೆ.

ಈ ಸೌರ ಬಿರುಗಾಳಿಯು ಕೆಲವು ನಿಮಿಷಗಳಿಂದ ಕೆಲ ಗಂಟೆಗಳವರೆಗೆ ಇರಲಿದ್ದು, ಭೂಮಿಯ ಮೇಲ್ಮೈ ಹಾಗೂ ವಾತಾವರಣದಲ್ಲಿ ಇದರ ಪರಿಣಾಮವು ಕೆಲವು ದಿನಗಳು ಇರಲಿದೆ ಎಂದು ಹೇಳಲಾಗಿದೆ.