ಅಮರಾವತಿ: ಭಾರತದಲ್ಲಿ ಫ್ಯಾನ್ಸಿ ನಂಬರ್ ಪ್ಲೇಟ್‌ ಗಳ ಕ್ರೇಜ್ ಹೊಸದೇನಲ್ಲ. ಆದರೆ ಆಂಧ್ರಪ್ರದೇಶದ ಗುಂಟೂರು ಮೂಲದ ಉದ್ಯಮಿಯೊಬ್ಬರು ಮಾಡಿರುವ ಕೆಲಸ ಈಗ ದೇಶಾದ್ಯಂತ ಭಾರಿ ಚರ್ಚೆಗೆ ಕಾರಣವಾಗಿದೆ. ತಮ್ಮ ಮಾರುತಿ ಸುಜುಕಿ ಇಗ್ನಿಸ್ (Ignis) ಕಾರಿಗಾಗಿ ಇವರು ಬರೋಬ್ಬರಿ 2.08 ಕೋಟಿ ರೂಪಾಯಿ ಖರ್ಚು ಮಾಡಿ ವಿಶೇಷ ನಂಬರ್ ಪ್ಲೇಟ್ ಖರೀದಿಸಿದ್ದಾರೆ.

ಯಾರು ಈ ಉದ್ಯಮಿ? ಆಂಧ್ರಪ್ರದೇಶದ ಗುಂಟೂರು ಜಿಲ್ಲೆಯ ಕಿರಣ್ ಕೊಲ್ಪಾಕುಲ ಎಂಬುವವರು ಈ ದಾಖಲೆ ಬೆಲೆಯ ನಂಬರ್ ಪ್ಲೇಟ್ ಖರೀದಿಸಿದವರು. ಇವರು ಹರಾಜಿನಲ್ಲಿ ‘DDC 0001’ ಎಂಬ ವಿಂಟೇಜ್ ನಂಬರ್ ಪ್ಲೇಟ್‌ ಅನ್ನು ಇಷ್ಟೊಂದು ಭಾರೀ ಮೊತ್ತ ನೀಡಿ ತಮ್ಮದಾಗಿಸಿಕೊಂಡಿದ್ದಾರೆ.

ಐಷಾರಾಮಿ ಕಾರುಗಳ ಮಾರಾಟಗಾರರಾದ ‘ಬಿಗ್ ಬಾಯ್ ಟಾಯ್ಜ್’ (Big Boy Toyz) ಇತ್ತೀಚೆಗೆ ಆರಂಭಿಸಿದ ‘ಆಕ್ಷನ್ ಹೌಸ್’ ಮೂಲಕ ಈ ಹರಾಜು ಪ್ರಕ್ರಿಯೆ ನಡೆದಿತ್ತು. ಈ ಮೊದಲು ಹರಿಯಾಣದ ವ್ಯಕ್ತಿಯೊಬ್ಬರು 1.17 ಕೋಟಿ ರೂ.ಗೆ ನಂಬರ್ ಖರೀದಿಸಿದ್ದು, ದಾಖಲೆಯಾಗಿತ್ತು. ಆದರೆ ಕಿರಣ್ ಅವರು 2.08 ಕೋಟಿ ರೂ. ಬಿಡ್ ಮಾಡುವ ಮೂಲಕ ಭಾರತದ ಅತ್ಯಂತ ದುಬಾರಿ ನಂಬರ್ ಪ್ಲೇಟ್ ಖರೀದಿಸಿದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಕಾರಿನ ಬೆಲೆ ಎಷ್ಟು?: ಆಶ್ಚರ್ಯದ ಸಂಗತಿಯೆಂದರೆ, ಕಿರಣ್ ಅವರು ಈ ನಂಬರ್ ಅನ್ನು ಅಳವಡಿಸಿರುವುದು ಮಾರುತಿ ಸುಜುಕಿ ಇಗ್ನಿಸ್ ಕಾರಿಗೆ. ಈ ಕಾರಿನ ಮಾರುಕಟ್ಟೆ ಬೆಲೆ ಸುಮಾರು 6 ರಿಂದ 10 ಲಕ್ಷ ರೂಪಾಯಿ ಇರಬಹುದು. ಅಂದರೆ ಕಾರಿನ ಬೆಲೆಗಿಂತ ನಂಬರ್ ಪ್ಲೇಟ್‌ ನ ಬೆಲೆ ಸುಮಾರು 20 ಪಟ್ಟು ಹೆಚ್ಚಾಗಿದೆ!

ಈ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಮಿಶ್ರ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. “ಇಷ್ಟು ಹಣದಲ್ಲಿ ಒಂದು ಐಷಾರಾಮಿ ಫೆರಾರಿ ಅಥವಾ ಲಂಬೋರ್ಗಿನಿ ಕಾರನ್ನೇ ಖರೀದಿಸಬಹುದಿತ್ತು” ಎಂದು ಕೆಲವರು ಅಭಿಪ್ರಾಯಪಟ್ಟರೆ, “ಇದು ಕೇವಲ ನಂಬರ್ ಅಲ್ಲ, ಉದ್ಯಮಿಯ ಸ್ಟೇಟಸ್ ಸಿಂಬಲ್ ಮತ್ತು ಹೂಡಿಕೆ” ಎಂದು ಇನ್ನು ಕೆಲವರು ಹೇಳುತ್ತಿದ್ದಾರೆ.

ಒಟ್ಟಿನಲ್ಲಿ, ಸಾಮಾನ್ಯ ಕಾರಿಗೆ ಅಸಾಮಾನ್ಯ ಬೆಲೆಯ ನಂಬರ್ ಪ್ಲೇಟ್ ಹಾಕುವ ಮೂಲಕ ಕಿರಣ್ ಕೊಲ್ಪಾಕುಲ ಅವರು ಸದ್ಯ ಭಾರತದ ಆಟೋಮೊಬೈಲ್ ಲೋಕದಲ್ಲಿ ಸಂಚಲನ ಮೂಡಿಸಿದ್ದಾರೆ.

ಇದನ್ನೂ ಓದಿ:
ಟೀ ಕಪ್ ಹಿಡಿದುಕೊಂಡು ನಗುವ ಈ ವೈರಲ್ ಹುಡುಗ ಯಾರು?: ಆತ ಏನು ಕೆಲಸ ಮಾಡುತ್ತಿದ್ದಾನೆ?

ಮನೆಗೆಲಸದ ನೆಪದಲ್ಲಿ ಬಂದು 18 ಕೋಟಿ ರೂ. ಮೌಲ್ಯದ ಚಿನ್ನ ದೋಚಿದ ನೇಪಾಳಿ ದಂಪತಿ!

ಮಹಿಳೆ ಮೇಲೆ ಅತ್ಯಾಚಾರ ಎಸಗಿ ಹತ್ಯೆ ಮಾಡಿ, ಆತ್ಮಹತ್ಯೆಗೆ ಶರಣಾದ ಮನೆಕೆಲಸದವ!

ಜಾತಕದಲ್ಲಿ ದೋಷ ಇದೆ ಎಂದು ನಂಬಿಸಿ ಯುವತಿ ಮೇಲೆ ಕಾಮುಕ ಅರ್ಚಕನಿಂದ ಅತ್ಯಾಚಾರ!

ಬಂತು ನೋಡಿ ಹೊಸ ‘ರೆನೋ ಡಸ್ಟರ್’: ಟಾಟಾ ಸಿಯೆರಾ ಸಹಿತ ಹಲವು ಕಾರುಗಳಿಗೆ ಭರ್ಜರಿ ಪೈಪೋಟಿ

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 9686399493 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ:

https://chat.whatsapp.com/H1duNIQRfXnJcfQKWPzNqD