ಮಗುವನ್ನು ಎತ್ತಿಕೊಂಡು ಮರ ಏರಿದ ಆಂಜನೇಯ ಎಂತಹ ಕೆಲಸ ಮಾಡಿದೆ ನೋಡಿ
14/02/2021
ತಂಜಾವೂರು: ಮನೆಯೊಳಗೆ ನುಗ್ಗಿದ ಮಂಗವೊಂದು ಮನೆಯೊಳಗೆ ಮಲಗಿದ್ದ 8 ತಿಂಗಳ ಶಿಶುವನ್ನು ಎತ್ತಿಕೊಂಡು ಹೋಗಿ ಮರದಿಂದ ಕೆಳಗಡೆ ಎಸೆದ ಆತಂಕಕಾರಿ ಘಟನೆ ತಮಿಳುನಾಡಿನ ತಂಜಾವೂರಿನಲ್ಲಿ ನಡೆದಿದೆ.
ಮಗು ಜೋರಾಗಿ ಅಳುತ್ತಿರುವ ಶಬ್ದವನ್ನು ಕೇಳಿ, ಏನೋ ಕೆಲಸ ಮಾಡುತ್ತಿದ್ದ ತಾಯಿ ಭುವನೇಶ್ವರಿ ಓಡಿ ಬಂದು ನೋಡಿದ್ದು, ಈ ವೇಳೆ ಮಗುವನ್ನು ಮಂಗ ಎತ್ತಿಕೊಂಡು ಮರಕ್ಕೆ ಏರಿದೆ.
ಇದರಿಂದ ಭಯಭೀತರಾದ ಅವರು, ಜೋರಾಗಿ ಕಿರುಚಿದ್ದು, ಈ ವೇಳೆ ಸ್ಥಳೀಯರು ಬಂದು ಮಗುವನ್ನು ರಕ್ಷಿಸಲು ನೋಡಿದ್ದಾರೆ. ಆದರೆ ಮರ ಏರಿ ಕುಳಿತಿದ್ದ ಆಂಜನೇಯ ಸ್ವಲ್ಪವೂ ಕರುಣೆಯೇ ಇಲ್ಲದೇ ಮಗುವನ್ನು ಮೇಲಿನಿಂದ ಕೆಳಗೆ ಎಸೆದಿದೆ. ಮಗು ಮೇಲಿನಿಂದ ನೆಲಕ್ಕ ಅಪ್ಪಳಿಸಿದ್ದು, ಪರಿಣಾಮವಾಗಿ ಗಂಭೀರವಾಗಿ ಗಾಯಗೊಂಡಿದೆ. ತಕ್ಷಣವೇ ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಮಗು ಬದುಕುಳಿಯಲಿಲ್ಲ.
