ಗಾಝಾ ಮೇಲಿನ ದಾಳಿ ನಿಲ್ಲಿಸಿ: ಸಾವಿರಕ್ಕಿಂತಲೂ ಅಧಿಕ ಇಸ್ರೇಲ್ ಅಕಾಡೆಮಿಕ್ ತಜ್ಞರಿಂದ ಪತ್ರ
22/05/2024
ಗಾಝಾದ ಮೇಲಿನ ದಾಳಿಯನ್ನು ತಕ್ಷಣವೇ ನಿಲ್ಲಿಸಬೇಕು ಎಂದು 1400 ಕ್ಕಿಂತಲೂ ಅಧಿಕ ಇಸ್ರಾಯೇಲ್ ಅಕಾಡೆಮಿಕ್ ತಜ್ಞರು ಸರ್ಕಾರಕ್ಕೆ ಪತ್ರ ಬರೆದಿದ್ದಾರೆ. ತಕ್ಷಣವೇ ಯುದ್ಧವನ್ನು ನಿಲ್ಲಿಸಬೇಕು ಮತ್ತು ಒತ್ತೆಯಾಳುಗಳನ್ನು ಬಿಡುಗಡೆಗೊಳಿಸಿಕೊಳ್ಳಬೇಕು ಎಂದು ಅವರು ಈ ಪತ್ರದಲ್ಲಿ ಆಗ್ರಹಿಸಿದ್ದಾರೆ.
ಶಿಕ್ಷಕರು ಪ್ರೊಫೆಸರ್ ಗಳು ಶಿಕ್ಷಣ ಸಂಸ್ಥೆಗಳ ಮುಖ್ಯಸ್ಥರು ಸೇರಿದಂತೆ ವಿವಿಧ ಮಂದಿ ಈ ಪತ್ರಕ್ಕೆ ಸಹಿ ಹಾಕಿದ್ದಾರೆ. ಯುದ್ಧವನ್ನು ತಕ್ಷಣವೇ ನಿಲ್ಲಿಸಿ ಮತ್ತು ಒತ್ತೆಯಾಳುಗಳನ್ನು ತಕ್ಷಣವೇ ಬಿಡುಗಡೆಗೊಳಿಸಿಕೊಂಡು ಬನ್ನಿ. ಇದು ಧಾರ್ಮಿಕ ಕರ್ತವ್ಯವೂ ಹೌದು ಮತ್ತು ಇಸ್ರೇಲಿ ನಾಗರಿಕರ ಬಯಕೆಯೂ ಹೌದು ಎಂದು ಪತ್ರದಲ್ಲಿ ತಿಳಿಸಲಾಗಿದೆ.
ಅಕ್ಟೋಬರ್ ಏಳರ ಹಮಾಸ್ ನ ಆಕ್ರಮಣಕ್ಕೆ ಪ್ರತಿಯಾಗಿ ಸ್ವರಕ್ಷಣೆಯ ಹಕ್ಕು ಇಸ್ಯಲಿಗೆ ಇದ್ದೇ ಇದೆ. ಆದರೆ ಅದರ ಗುರಿ ಈಗ ಪೂರ್ತಿ ಗೊಂಡಿದೆ. ಈಗಿನ ಯುದ್ದ ಸ್ಥಿತಿಯಿಂದ ಯಾರಿಗೂ ಲಾಭವಿಲ್ಲ ಮಾತ್ರ ಅಲ್ಲ ಒತ್ತೆಯಾಳುಗಳ ಸಾವಿಗೆ ಮಾತ್ರ ಇದು ಕಾರಣವಾಗಬಹುದು ಎಂದವರು ಆತಂಕ ವ್ಯಕ್ತಪಡಿಸಿದ್ದಾರೆ.
