ಪಾಕ್‌’ನಲ್ಲೂ ಎಲೆಕ್ಷನ್ ಹವಾ: ಪಾಕಿಸ್ತಾನದಲ್ಲಿ ಫೆಬ್ರವರಿ 8ರಂದು ಚುನಾವಣೆ ಫಿಕ್ಸ್
ಪಾಕಿಸ್ತಾನದಲ್ಲಿ 2024ರ ಫೆಬ್ರವರಿಯಲ್ಲಿ ಸಾರ್ವತ್ರಿಕ ಚುನಾವಣೆ ನಡೆಯಲಿದೆ. ಅಧ್ಯಕ್ಷ ಆರಿಫ್ ಅಲ್ವಿ ಅವರ ಕಚೇರಿಯ ಅಧಿಕೃತ ಪ್ರಕಟಣೆಯ ಪ್ರಕಾರ, ಸಾರ್ವತ್ರಿಕ ಚುನಾವಣೆಗಳು ಫೆಬ್ರವರಿ 8, 2024 ರಂದು ನಡೆಯಲಿದೆ.
ಆರಂಭದಲ್ಲಿ ಈ ದಿನಾಂಕವನ್ನು ಫೆಬ್ರವರಿ 11 ಕ್ಕೆ ಅಂತಿಮಗೊಳಿಸಲಾಗಿತ್ತು. ಸ್ಥಳೀಯ ಪತ್ರಿಕೆ ಡಾನ್ ಪ್ರಕಾರ, ಚುನಾವಣಾ ಆಯೋಗದ ಮುಖ್ಯ ಚುನಾವಣಾ ಆಯುಕ್ತ ಸಿಕಂದರ್ ಸುಲ್ತಾನ್ ರಾಜಾ ಅವರು ಫೆಬ್ರವರಿ 11 ರಂದು ಪಾಕಿಸ್ತಾನದ ಅಧ್ಯಕ್ಷ ಮತ್ತು ಸುಪ್ರೀಂ ಕೋರ್ಟ್ ಗೆ ಸಾರ್ವತ್ರಿಕ ಚುನಾವಣೆಯ ದಿನಾಂಕವನ್ನು ಪ್ರಸ್ತಾಪಿಸಿದ್ದರು.
ಆದರೆ ಅಧ್ಯಕ್ಷರು ಸಿಇಸಿ, ಆಯೋಗದ ಎಲ್ಲಾ ನಾಲ್ವರು ಸದಸ್ಯರು ಮತ್ತು ಪಾಕಿಸ್ತಾನದ ಅಟಾರ್ನಿ ಜನರಲ್ (ಎಜಿಪಿ) ಮನ್ಸೂರ್ ಉಸ್ಮಾನ್ ಅವಾನ್ ಅವರನ್ನು ಭೇಟಿಯಾದ ನಂತರ, ದಿನಾಂಕವನ್ನು ಫೆಬ್ರವರಿ 8, 2024 ಕ್ಕೆ ಬದಲಾಯಿಸಲಾಯಿತು.
ಎಕ್ಸ್ ನಲ್ಲಿ ದಿನಾಂಕವನ್ನು ಘೋಷಿಸಿದ ಅಧ್ಯಕ್ಷರ ಕಚೇರಿ, ಫೆಬ್ರವರಿ 8 ರಂದು ಚುನಾವಣೆಗೆ ಅಧಿಕೃತ ದಿನಾಂಕವಾಗಿ “ಸರ್ವಾನುಮತದ ನಿರ್ಧಾರ” ತೆಗೆದುಕೊಳ್ಳಲಾಗಿದೆ ಎಂದು ಘೋಷಿಸಿತು.
