ಸುಪ್ರೀಂಕೋರ್ಟ್ ವಕೀಲ ಮತ್ತು ಮಹುವಾ ಮೊಯಿತ್ರಾ ಅವರ ಮಾಜಿ ಸಂಗಾತಿ ಜೈ ಅನಂತ್ ದೆಹದ್ರಾಯ್ ಅವರು ತೃಣಮೂಲ ಕಾಂಗ್ರೆಸ್ ಸಂಸದೆ ವಿರುದ್ಧ ದೂರು ದಾಖಲಿಸಿದ್ದು, ಆಕೆ ಬೆದರಿಸುವ ಉದ್ದೇಶದಿಂದ ಅತಿಕ್ರಮಣ ಮಾಡಿದ್ದಾಳೆ ಎಂದು ಆರೋಪಿಸಿದ್ದಾರೆ. ನವೆಂಬರ್ 5 ಮತ್ತು 6 ರಂದು ಅವರು ತಮ್ಮ ಮನೆಗೆ ಇದ್ದಕ್ಕಿದ್ದಂತೆ ಆಗಮಿಸಿದ್ದಾರೆ ಎಂದು ಅವರು ದೂರಿನಲ್ಲಿ ಆರೋಪಿಸಿದ್ದಾರೆ.

ಟಿಎಂಸಿ ಸಂಸದರ ವಿರುದ್ಧದ ದೂರಿನಲ್ಲಿ , “ಸಂಸತ್ ಸದಸ್ಯೆ ಮಹುವಾ ಮೊಯಿತ್ರಾ ಅವರು ನವೆಂಬರ್ 5 ರಂದು ಬೆಳಿಗ್ಗೆ 11 ಗಂಟೆಗೆ ಮತ್ತು ನವೆಂಬರ್ 6 ರಂದು ಬೆಳಿಗ್ಗೆ 9 ಗಂಟೆಗೆ ನನ್ನ ನಿವಾಸಕ್ಕೆ ಅನಧಿಕೃತವಾಗಿ ಬಂದರು. ನನ್ನ ವಿರುದ್ಧ ಮತ್ತಷ್ಟು ಮೋಸದ ದೂರುಗಳನ್ನು ದಾಖಲಿಸುವ ಏಕೈಕ ಉದ್ದೇಶದಿಂದ ಮೊಯಿತ್ರಾ ಉದ್ದೇಶಪೂರ್ವಕವಾಗಿ ನನ್ನ ವಸತಿ ಆವರಣಕ್ಕೆ ಬರುವ ಎಲ್ಲಾ ಸಾಧ್ಯತೆಗಳಿವೆ” ಎಂದು ಅವರು ಹೇಳಿದ್ದಾರೆ.
“ಶ್ರೀಮತಿ ಮೊಯಿತ್ರಾ ಅವರ ಈ ಮೋಸದ ಮತ್ತು ನಕಲಿ ದೂರುಗಳ ಬಗ್ಗೆ ನಾನು ಈ ಹಿಂದೆ ದೆಹಲಿಯ ಪೊಲೀಸ್ ಆಯುಕ್ತರಿಗೆ ಮಾಹಿತಿ ನೀಡಿದ್ದೇನೆ” ಎಂದಿದ್ದಾರೆ.

“ಅತಿಕ್ರಮಣ ಮಾಡುವ ಮತ್ತು ನನ್ನನ್ನು ಬೆದರಿಸುವ ಸ್ಪಷ್ಟ ಉದ್ದೇಶದಿಂದ” ಅವಳು ತನ್ನ‌ ನಿವಾಸಕ್ಕೆ ಬಂದಿದ್ದಾಳೆ ಎಂದು ದೆಹದ್ರಾಯ್ ಹೇಳಿದರು. ಈ ಬಗ್ಗೆ ತನಿಖೆ ನಡೆಸಿ ಪ್ರಕರಣ ದಾಖಲಿಸುವಂತೆ ಅವರು ಪೊಲೀಸರಿಗೆ ಮನವಿ ಮಾಡಿದ್ದಾರೆ.

ಸದನದಲ್ಲಿ ಪ್ರಶ್ನೆಗಳನ್ನು ಕೇಳಲು ಮಹುವಾ ಮೊಯಿತ್ರಾ ಲಂಚ ಪಡೆದಿದ್ದಾರೆ ಎಂದು ಆರೋಪಿಸಿ ಬಿಜೆಪಿ ಸಂಸದ ನಿಶಿಕಾಂತ್ ದುಬೆ ಅವರು ಲೋಕಸಭಾ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಪತ್ರ ಬರೆದ ನಂತರ ಜೈ ಅನಂತ್ ದೆಹದ್ರಾಯ್ ಸುದ್ದಿಯಾಗಿದ್ದರು.