ಉತ್ತರ ಪ್ರದೇಶದ ವಾರಣಾಸಿಯಲ್ಲಿ 40 ವರ್ಷದ ಅರ್ಚಕರೊಬ್ಬರು 24 ಗಂಟೆಗಳ ನಿರಂತರ ಪೂಜೆಯ ಹೊರತಾಗಿಯೂ ಕಾಳಿ ದೇವಿಯ ದರ್ಶನವನ್ನು ಪಡೆಯದಿದ್ದಾಗ ನಿರಾಶೆಗೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.

ನಗರದ ಗಾಯ್ ಘಾಟ್ ಪ್ರದೇಶದ ನಿವಾಸಿ ಅಮಿತ್ ಶರ್ಮಾ, ತನ್ನ ಬಾಡಿಗೆ ಮನೆಯ ಅಂಗಳದಲ್ಲಿ ಕಟ್ಟರ್ನಿಂದ ಗಂಟಲು ಕತ್ತರಿಸುವ ಮೊದಲು ದೇವರನ್ನು ಪ್ರಾರ್ಥಿಸಿದ್ದರು.
ಆ ಸಮಯದಲ್ಲಿ ಅಡುಗೆ ಮಾಡುತ್ತಿದ್ದ ಅವರ ಪತ್ನಿ ಜೂಲಿ, “ಮಾ ಕಾಳಿ ದರ್ಶನ ದೋ” ಎಂದು ಕೂಗುವುದನ್ನು ಕೇಳಿದಳು. (Mother Kali, show yourself). ಸ್ವಲ್ಪ ಸಮಯದ ನಂತರ, ನೆಲದ ಮೇಲೆ ರಕ್ತಸ್ರಾವ ಆಗಿ ಬೀಳುವುದನ್ನು ಕಂಡರು. ಅರ್ಚಕರ ಪಕ್ಕದಲ್ಲಿ ಕಟ್ಟರ್ ಇತ್ತು.

ಆಗ ಕಿರುಚಾಟವನ್ನು ಕೇಳಿದ ಆಘಾತಕ್ಕೊಳಗಾದ ನೆರೆಹೊರೆಯವರು ಅವರನ್ನು ಸುತ್ತುವರಿದಿದ್ದರು.
ಶರ್ಮಾ ಅವರನ್ನು ಅವರ ಪತ್ನಿ ಮತ್ತು ನೆರೆಹೊರೆಯವರು ಆಸ್ಪತ್ರೆಗೆ ಕರೆದೊಯ್ದರು. ಆದರೆ ಆವಾಗಲೇ ಅವರು ಮೃತಪಟ್ಟಿದ್ದಾರೆ ಎಂದು ಘೋಷಿಸಲಾಯಿತು.

ಕಾಳಿ ದೇವಿಯು ತನಗೆ ಕಾಣಿಸಿಕೊಳ್ಳುತ್ತಾಳೆ ಎಂಬ ನಂಬಿಕೆಯೊಂದಿಗೆ ಶರ್ಮಾ 24 ಗಂಟೆಗಳ ಕಾಲ ತೀವ್ರ ಪೂಜಾ ಆಚರಣೆಗಳನ್ನು ಮಾಡುತ್ತಿದ್ದರು ಎಂದು ಜೂಲಿ ಪೊಲೀಸರಿಗೆ ತಿಳಿಸಿದ್ದಾರೆ. ಇದು ಸಂಭವಿಸದಿದ್ದಾಗ, ಅವರು ವಿಚಲಿತರಾಗಿ ತಮ್ಮ ಪ್ರಾಣವನ್ನು ತೆಗೆದುಕೊಂಡರು ಎಂದು ವರದಿಯಾಗಿದೆ.

ಪೊಲೀಸರು ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ ಮತ್ತು ಘಟನೆಯ ಸುತ್ತಲಿನ ಸಂದರ್ಭಗಳ ಬಗ್ಗೆ ತನಿಖೆಯನ್ನು ಪ್ರಾರಂಭಿಸಿದ್ದಾರೆ.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 9686399493 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ:
https://chat.whatsapp.com/BHOOdLNNvmD17cBJslQgwj