Provided by

ಟೆಲಿವಿಷನ್ ಆಂಕರ್ ನನ್ನು ಅಪಹರಿಸಿ ಹಲ್ಲೆ ನಡೆಸಿದ ಮಹಿಳಾ ಉದ್ಯಮಿಯನ್ನು ಬಂಧಿಸಿದ ಘಟನೆ ಹೈದ್ರಾಬಾದ್ ನಲ್ಲಿ ‌ನಡೆದಿದೆ. ಐದು ಸ್ಟಾರ್ಟ್ಅಪ್ ಕಂಪನಿಗಳ ವ್ಯವಸ್ಥಾಪಕ ನಿರ್ದೇಶಕಿ ಭೋಗಿರೆಡ್ಡಿ ತ್ರಿಷಾ ಅವರು ಟೆಲಿವಿಷನ್ ನಿರೂಪಕ ಪ್ರಣವ್ ಸಿಸ್ಟ್ಲಾ ಅವರನ್ನು ಅಪಹರಿಸಿದ್ದರು.

ಡಿಜಿಟಲ್ ಮಾರ್ಕೆಟಿಂಗ್ ಕಂಪನಿಯನ್ನು ನಡೆಸುತ್ತಿರುವ 31 ವರ್ಷದ ಮಹಿಳೆ ಮತ್ತು ಆಕೆಯ ಐವರು ಸಹಚರರನ್ನು ತೆಲಂಗಾಣ ಪೊಲೀಸರು ಬಂಧಿಸಿದ್ದಾರೆ.
ಈ ತನಿಖೆಯು ಅಪರಾಧದ ಬಗ್ಗೆ ಕುತೂಹಲಕಾರಿ ವಿವರಗಳನ್ನು ಬಹಿರಂಗಪಡಿಸಿತು. ಸುಂದರ ಯುವಕರ ಬಗ್ಗೆ ಆಸಕ್ತಿ ಹೊಂದಿದ್ದ ಈ ಮಹಿಳೆಯು ಆಂಕರ್ ಅವರ ಚಲನವಲನಗಳನ್ನು ಪತ್ತೆಹಚ್ಚಲು ಅವರ ಕಾರಿಗೆ ಏರ್ ಟ್ಯಾಗನ್ನು ಸಹ ಲಗತ್ತಿಸಿದ್ದರು.

ಎರಡು ವರ್ಷಗಳ ಹಿಂದೆ ಭಾರತ್ ಮ್ಯಾಟ್ರಿಮೋನಿ ವೆಬ್ ಸೈಟ್ ಮೂಲಕ ಈ ಮಹಿಳೆಗೆ ಚೈತನ್ಯ ರೆಡ್ಡಿ ಎಂಬ ಅಪರಿಚಿತ ವ್ಯಕ್ತಿಯ ಪರಿಚಯವಾಗಿತ್ತು. ಸಂಭಾಷಣೆ ಮುಂದುವರೆದಂತೆ ಅವರು ವಾಟ್ಸಾಪ್ ಮತ್ತು ಇನ್ಸ್ಟಾಗ್ರಾಮ್‌ನಲ್ಲಿ ಚಾಟ್ ಮಾಡಲು ಪ್ರಾರಂಭಿಸಿದರು. ಇದೇ ವೇಳೆ ಆ ವ್ಯಕ್ತಿಯು ಉತ್ತಮ ಆದಾಯದ ಭರವಸೆ ನೀಡಿ ತನ್ನ ವ್ಯವಹಾರದಲ್ಲಿ ಹೂಡಿಕೆ ಮಾಡಲು ತ್ರಿಷಾ ಜೊತೆಗೆ ಕೇಳಿದ್ದ.

‘ತಾನು ಯುಪಿಐ ಮೂಲಕ ವ್ಯಕ್ತಿಗೆ 40 ಲಕ್ಷ ರೂ.ಗಳನ್ನು ಪಾವತಿಸಿದ್ದೇನೆ. ಆದರೆ ಆತ ಹಣವನ್ನು ಸ್ವೀಕರಿಸಿದ ನಂತರ ಅಪರಿಚಿತ ವ್ಯಕ್ತಿ ತನ್ನನ್ನು ತಪ್ಪಿಸಲು ಪ್ರಾರಂಭಿಸಿದ’ ಎಂದು ಮಹಿಳೆ ಆರೋಪಿಸಿದ್ದಾಳೆ.

ತಾನು ಮೋಸ ಹೋಗಿದ್ದೇನೆ ಎಂದು ತಿಳಿದ ನಂತರ ಆ ಮಹಿಳೆ ಆ ಪ್ರೊಫೈಲ್‌ನಲ್ಲಿ ನೀಡಲಾದ ಫೋನ್ ಸಂಖ್ಯೆಯನ್ನು ಸಂಪರ್ಕಿಸಿದಳು. ಅದು ನಿರೂಪಕ ಪ್ರಣವ್ ಅವರದ್ದು ಎಂದು ತಿಳಿದುಬಂದಿದೆ. ಚೈತನ್ಯ ರೆಡ್ಡಿ ಎಂಬ ಅಪರಿಚಿತ ವ್ಯಕ್ತಿ ತನ್ನ ಫೋಟೋವನ್ನು ಬಳಸಿಕೊಂಡು ಭಾರತ್ ಮ್ಯಾಟ್ರಿಮೋನಿಯಲ್ಲಿ ನಕಲಿ ಖಾತೆಗಳನ್ನು ರಚಿಸಿದ್ದಾನೆ ಎಂದು ಅವರು ಮಾಹಿತಿ ನೀಡಿದರು. ಹೀಗಾಗಿ ಅವರು ಸೈಬರ್ ಸೆಲ್ ಗೆ ದೂರು ಸಹ ನೀಡಿದ್ದಾರೆ.

ನಂತರ ಪ್ರಣವ್ ಈಕೆಯ ಮೊಬೈಲ್ ಸಂಖ್ಯೆಯನ್ನು ಬ್ಲಾಕ್ ಮಾಡಿದ್ದರು. ಆದರೆ ನಿರೂಪಕನ ಸ್ನೇಹ ಬಯಸಿದ್ದ ತ್ರಿಷಾ ಅವರು ಪ್ರಣವ್ ಅವರನ್ನು ಅಪಹರಿಸಲು ತೀರ್ಮಾನ ಮಾಡಿದ್ದಾಳೆ.

ಇದಕ್ಕಾಗಿ ಆಕೆ ತನ್ನ ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದ ಇನ್ನೊಬ್ಬ ವ್ಯಕ್ತಿಯನ್ನು ತನ್ನ ಪ್ಲ್ಯಾನ್ ಈಡೇರಿಸಲು ಅವನಿಗೆ 50,000 ರೂ.ಗಳನ್ನು ನೀಡಿದ್ದಾಳೆ. ಅವನು ನಿರೂಪಕನ ಕಾರಿನಲ್ಲಿ ಆಪಲ್ ಏರ್ ಟ್ಯಾಗ್ ಅನ್ನು ಆಳವಡಿಸಿ ಆ್ಯಂಕರ್ ನ
ಚಲನವಲನಗಳನ್ನು ನೋಡುತ್ತಿದ್ದ. ಫೆಬ್ರವರಿ 11 ರಂದು, ಮಹಿಳಾ ಉದ್ಯಮಿ ನೇತೃತ್ವದ ತಂಡವು ಆ್ಯಂಕರ್ ನನ್ನು ಅಪಹರಿಸಿ ಹಲ್ಲೆ ನಡೆಸಿದೆ.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth