ಆಸ್ಪತ್ರೆಯಿಂದ ಗುಣಮುಖರಾಗಿ ಮರಳುತ್ತಿದ್ರು: ಮನೆ ಸೇರುವಷ್ಟರಲ್ಲಿ ಅಪಘಾತದಲ್ಲಿ ಮಹಿಳೆ ಸಾವು
11/10/2023
ವಿಧಿ ಬರಹವನ್ನು ತಪ್ಪಿಸಲಾಗದು ಎಂಬ ಮಾತು ಆಗಾಗ ಆಡುತ್ತಿರುತ್ತೇವೆ. ಅಂತಹದ್ದೇ ಒಂದು ಘಟನೆ ಕೇರಳದ ಕೊಟ್ಟಯಂ ನಲ್ಲಿ ನಡೆದಿದೆ. ಅಮ್ಮಿಣಿ ಎಂಬ ತಾಯಿ ಅನಾರೋಗ್ಯದಿಂದ ಆಸ್ಪತ್ರೆಗೆ ದಾಖಲಾಗಿದ್ದರು. ಹಾಗೆಯೇ ಗುಣಮುಖರಾಗಿ ಮನೆಗೆ ಮರಳುವಾಗ ಆಘಾತಕಾರಿ ಘಟನೆಯೊಂದು ನಡೆದಿದೆ.
ಅನಾರೋಗ್ಯ ನಿಮಿತ್ತ ಈ ಅಮ್ಮಿಣಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಅವರು ಗುಣಮುಖರಾದ ಹಿನ್ನೆಲೆಯಲ್ಲಿ ಮಗಳು ಅವರನ್ನು ಕಾರಲ್ಲಿ ಕೂರಿಸಿ ಮರಳಿ ಮನೆಗೆ ಕರೆದು ಕರೆತರುತ್ತಿದ್ದರು. ಆದರೆ ದಾರಿ ಮಧ್ಯೆ ಈ ಕಾರು ಅಪಘಾತಕ್ಕೀಡಾಯಿತು. ಮಾತ್ರವಲ್ಲ, ಈ ಅಪಘಾತದಲ್ಲಿ ಅವರು ಮೃತಪಟ್ಟರು. ಚಾಲನೆಯ ಮಧ್ಯೆ ಮಗಳು ತೂಕಡಿಸಿದ್ದೆ ಈ ಅಪಘಾತಕ್ಕೆ ಕಾರಣ ಎಂದು ಪೊಲೀಸರು ತಿಳಿಸಿದ್ದಾರೆ. ಅಂತೂ ಗುಣಮುಖರಾಗಿ ಮನೆಗೆ ಮರಳುವ ಪರಿಸ್ಥಿತಿ ಉಂಟಾದರೂ ಅವರ ಆಯುಷ್ಯ ಮನೆಯವರೆಗೆ ಇರಲಿಲ್ಲ ಎಂದು ನಾಗರಿಕರು ಹೇಳಿಕೊಳ್ಳುತ್ತಿದ್ದಾರೆ.
