ನಾರ್ವೆಯ ಉತ್ತರ ಕರಾವಳಿಯಲ್ಲಿ ಚಲಿಸುತ್ತಿದ್ದ ರೈಲು ಹಳಿ ತಪ್ಪಿದ ಪರಿಣಾಮ ಕನಿಷ್ಠ ಒಬ್ಬ ವ್ಯಕ್ತಿ ಸಾವನ್ನಪ್ಪಿದ್ದು, ಇತರ ನಾಲ್ವರು ಗಾಯಗೊಂಡಿದ್ದಾರೆ.

ಆರ್ಕ್ಟಿಕ್ ಸರ್ಕಲ್ ಎಕ್ಸ್ಪ್ರೆಸ್ ಟ್ರಾಂಡ್ಹೈಮ್‌ನಿಂದ ಆರ್ಕ್ಟಿಕ್ ವೃತ್ತದ ಮೇಲಿರುವ ದೂರದ ಉತ್ತರದ ಪಟ್ಟಣ ಬೋಡೋಗೆ ತೆರಳುತ್ತಿದ್ದಾಗ ಈ ಘಟನೆ ‌ನಡೆದಿದೆ.
ಗಾಯಗೊಂಡ ನಾಲ್ವರನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅವರ ಸ್ಥಿತಿ ಅಸ್ಪಷ್ಟವಾಗಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಗಾಯಗೊಂಡವರನ್ನು ಬೋಡೋದಿಂದ ದಕ್ಷಿಣಕ್ಕೆ 228 ಕಿ.ಮೀ (140 ಮೈಲಿ) ದೂರದಲ್ಲಿರುವ ಮೋ ಐ ರಾಣಾ ಪಟ್ಟಣಕ್ಕೆ ಬಸ್ ಮೂಲಕ ಕರೆದೊಯ್ಯಲಾಯಿತು.
ಲೋಕೋಮೋಟಿವ್ ಮತ್ತು ಐದು ಬೋಗಿಗಳಿಂದ ಕೂಡಿದ ರೈಲು ಹಳಿ ತಪ್ಪಲು ಬಂಡೆಯ ಕುಸಿತ ಕಾರಣವಾಗಿರಬಹುದು ಎಂದು ಪೊಲೀಸರು ನಾರ್ವೇಜಿಯನ್ ಸುದ್ದಿ ಸಂಸ್ಥೆ ಎನ್ಟಿಬಿಗೆ ತಿಳಿಸಿದ್ದಾರೆ.
ರೈಲು ಬೋಗಿಗೆ ಡಿಕ್ಕಿ ಹೊಡೆದ ಹಳಿಯ ಮೇಲೆ ಬೃಹತ್ ಬಂಡೆ ಬಿದ್ದ ಫೋಟೋವನ್ನು ವಿಜಿ ಪತ್ರಿಕೆ ಪ್ರಕಟಿಸಿತ್ತು.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth