ಟೆಸ್ಟ್ ಡ್ರೈವ್ ಮಾಡಿ ಬರುತ್ತೇನೆ ಎಂದು ಬೈಕ್ ಕೊಂಡು ಹೋದವ ಮರಳಿ ಬರಲಿಲ್ಲ!
ಉಡುಪಿ: ಬೈಕ್ ನಲ್ಲಿ ಟೆಸ್ಟ್ ಡ್ರೈವ್ ಮಾಡುತ್ತೇನೆ ಎಂದು ಹೋದವ ಮತ್ತೆ ವಾಪಸ್ ಬರಲೇ ಇಲ್ಲ. ಈ ಘಟನೆ ನಡೆದಿರುವುದು ಮಣಿಪಾಲ ಲಕ್ಷ್ಮೀಂದ್ರನಗರದ ನ್ಯೂ ಮಣಿಪಾಲ್‌ ಬಜಾರಿನಲ್ಲಿ.
ಬೈಕ್ ಖರೀದಿಸುತ್ತೇನೆ ಎಂದು ಬಂದ ವ್ಯಕ್ತಿಯೊಬ್ಬ ತನ್ನನ್ನು ಗಣೇಶ್ ಉದ್ಯಾವರ ಎಂಬ ಹೆಸರಿನಿಂದ ಬಜಾರ್ ಸಿಬ್ಬಂದಿ ಜೊತೆ ಪರಿಚಯಿಸಿಕೊಂಡಿದ್ದಾನೆ. ಬಜಾರ್ ನ ಒಳಗೆ ಬೈಕ್ ಗಳನ್ನು ನೋಡಿ ಬಳಿಕ ಟಿವಿಎಸ್ ವಿಕ್ಟರ್ ಬೈಕ್ ನೋಡಿ, ನಾನು ಇದರಲ್ಲಿ ಟೆಸ್ಟ್ ಡ್ರೈವ್ ಮಾಡಿ ನೋಡುತ್ತೇನೆ ಎಂದು ಬೈಕ್ ಹತ್ತಿ ಹೋದ ವ್ಯಕ್ತಿಯ ಪತ್ತೆಯೇ ಇಲ್ಲ.
ಬೈಕ್ ಕಳ್ಳ ಸಿನಿಮೀಯ ಶೈಲಿಯಲ್ಲಿ ಈ ಕಳ್ಳತನ ಮಾಡಿದ್ದಾನೆ. ಟೆಸ್ಟ್ ಡ್ರೈವ್ ಮಾಡಲು ಇನ್ನು ಬೈಕ್ ಕೇಳಿದರೆ, ಶೋರೂಂ ಸಿಬ್ಬಂದಿ ಬಹಳ ಜಾಗೃತರಾಗಿರಬೇಕಿದೆ. ಈ ಘಟನೆ ಸಂಬಂಧ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
Disclaimer:
www.mahanayaka.in ಅಂತರ್ಜಾಲ ಮಾಧ್ಯಮದಲ್ಲಿ ಪ್ರಕಟವಾದ ಸುದ್ದಿಗಳಲ್ಲಿ ಯಾರದ್ದೇ ಭಾವನೆಗಳಿಗೆ ಧಕ್ಕೆಯಾಗುವಂತಹ ಅಥವಾ ನೋವುಂಟಾಗುವಂತಹ ಅಥವಾ ನಿಮಗೆ ಆಕ್ಷೇಪಾರ್ಹ ಎನಿಸಿದಂತಹ ಅಂಶಗಳ ಬಗ್ಗೆ ಓದುಗರು 9686872149 ನಂಬರ್ ಗೆ ಸುದ್ದಿಯ ಲಿಂಕ್ ಸಹಿತ ನಿಮ್ಮ ದೂರು ಸಲಹೆಗಳನ್ನು ವಾಟ್ಸಾಪ್ ಮಾಡಬಹುದು. ಅಥವಾ ಕರೆ ಮಾಡಬಹುದು. ನಿಮ್ಮ ದೂರನ್ನು ಪರಿಶೀಲಿಸಿ, ಅಂತಹ ಆಕ್ಷೇಪಾರ್ಹ ಅಂಶಗಳನ್ನು ತೆಗೆದು ಹಾಕಲು ಮಾಧ್ಯಮವು ಬದ್ಧವಾಗಿದೆ.
