ಹಿಂದೂಗಳು ತಮ್ಮ ಸ್ವಂತ ಭದ್ರತೆಗಾಗಲ್ಗಿ ಭಾಷೆ, ಜಾತಿ ಮತ್ತು ಪ್ರಾಂತ್ಯದ ಎಲ್ಲಾ ಭಿನ್ನಾಭಿಪ್ರಾಯಗಳು ಮತ್ತು ವಿವಾದಗಳನ್ನು ಬದಿಗೊತ್ತಿ ಒಗ್ಗೂಡಬೇಕು ಎಂದು ಆರ್ ಎಸ್ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.

ರಾಜಸ್ಥಾನದ ಬರಾನ್‌ನಲ್ಲಿ ಆರ್ ಎಸ್ಎಸ್ ಸ್ವಯಂಸೇವಕರ ಸಭೆಯನ್ನುದ್ದೇಶಿಸಿ ಮಾತನಾಡಿದ ಭಾಗವತ್, “ನಮ್ಮ ಭದ್ರತೆಗಾಗಿ, ಹಿಂದೂ ಸಮಾಜವು ಭಾಷೆ, ಜಾತಿ ಮತ್ತು ಪ್ರಾಂತ್ಯದ ಭಿನ್ನಾಭಿಪ್ರಾಯಗಳು ಮತ್ತು ವಿವಾದಗಳನ್ನು ತೊಡೆದುಹಾಕುವ ಮೂಲಕ ಒಗ್ಗೂಡಬೇಕಾಗುತ್ತದೆ. ಸಮಾಜವು ಸಂಘಟನೆ, ಸದ್ಭಾವನೆ ಮತ್ತು ಅನ್ಯೋನ್ಯತೆಯನ್ನು ಅಭ್ಯಾಸ ಮಾಡುವಂತಿರಬೇಕು” ಎಂದಿದ್ದಾರೆ.

ಸಮಾಜದಲ್ಲಿ ನಡವಳಿಕೆ, ಶಿಸ್ತು, ರಾಜ್ಯದ ಬಗೆಗಿನ ಕರ್ತವ್ಯ ಮತ್ತು ಗುರಿ-ಆಧಾರಿತವಾಗಿರುವುದು ಅಗತ್ಯವಾಗಿದೆ ಎಂದು ಅವರು ಹೇಳಿದ್ದಾರೆ.

“ಸಮಾಜವನ್ನು ನಾನು ಮತ್ತು ನನ್ನ ಕುಟುಂಬ ಮಾತ್ರ ನಿರ್ಮಿಸಿಲ್ಲ. ಬದಲಿಗೆ, ಸಮಾಜದ ಬಗ್ಗೆ ಸರ್ವಾಂಗೀಣ ಕಾಳಜಿ ವಹಿಸುವ ಮೂಲಕ ನಾವು ನಮ್ಮ ಜೀವನದಲ್ಲಿ ದೇವರನ್ನು ಸಾಧಿಸಬೇಕು “ಎಂದು ಭಾಗವತ್ ಹೇಳಿದರು.
ಭಾರತವು ಹಿಂದೂ ರಾಷ್ಟ್ರವಾಗಿದೆ‌ ಹಿಂದೂ ಎಂಬ ಪದವು ದೇಶದಲ್ಲಿ ವಾಸಿಸುವ ಜನರ ಎಲ್ಲಾ ಪಂಗಡಗಳನ್ನು ಸೂಚಿಸುತ್ತದೆ ಎಂದು ಅವರು ಹೇಳಿದರು.

ಆರ್ ಎಸ್ಸ್ಎಸ್‌ನ ಕಾರ್ಯಚಟುವಟಿಕೆಗಳು ಯಾಂತ್ರಿಕವಾಗಿಲ್ಲ, ಆದರೆ ಕಲ್ಪನೆ ಆಧಾರಿತವಾಗಿವೆ ಎಂದು ಭಾಗವತ್ ಹೇಳಿದರು.
“ಇದು ಸಾಟಿಯಿಲ್ಲದ ಸಂಸ್ಥೆಯಾಗಿದ್ದು, ಅದರ ಮೌಲ್ಯಗಳು ಗುಂಪಿನ ನಾಯಕರಿಂದ ಹಿಡಿದು ಸ್ವಯಂಸೇವಕರು, ಅವರ ಕುಟುಂಬಗಳು ಮತ್ತು ಸಮಾಜಕ್ಕೆ ದೊಡ್ಡ ಪ್ರಮಾಣದಲ್ಲಿವೆ” ಎಂದು ಅವರು ಹೇಳಿದರು.

ಇನ್ನು ಈ ಕಾರ್ಯಕ್ರಮದಲ್ಲಿ ಒಟ್ಟು 3,827 ಆರ್ ಎಸ್ಎಸ್ ಸ್ವಯಂಸೇವಕರು ಭಾಗವಹಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಆರ್ ಎಸ್ಎಸ್ ನ ಹಿರಿಯ ಪದಾಧಿಕಾರಿಗಳಾದ ರಮೇಶ್ ಅಗರ್ವಾಲ್, ಜಗದೀಶ ಸಿಂಗ್ ರಾಣಾ, ರಮೇಶ್ ಚಂದ್ ಮೆಹ್ತಾ ಮತ್ತು ವೈದ್ಯ ರಾಧೇಶ್ಯಾಂ ಗರ್ಗ್ ಸೇರಿದಂತೆ ಇತರರು ಭಾಗವಹಿಸಿದ್ದರು.

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth