ನಿರಾಶ್ರಿತ ಶಿಬಿರದಲ್ಲೇ 15ರ ಪೋರನ ಸಂಶೋಧನೆ: ವಿದ್ಯುತ್ ಉತ್ಪಾದನೆಯ ಯಂತ್ರ ಕಂಡು ಹಿಡಿದ ಬಾಲಕ - Mahanayaka
1:11 AM Tuesday 27 - February 2024

ನಿರಾಶ್ರಿತ ಶಿಬಿರದಲ್ಲೇ 15ರ ಪೋರನ ಸಂಶೋಧನೆ: ವಿದ್ಯುತ್ ಉತ್ಪಾದನೆಯ ಯಂತ್ರ ಕಂಡು ಹಿಡಿದ ಬಾಲಕ

08/02/2024

ಇಸ್ರೇಲ್ ನ ಬಾಂಬ್ ನಿಂದಾಗಿ ಮನೆಮಠ ಕಳೆದು ರಫಾದ ನಿರಾಶ್ರಿತ ಶಿಬಿರದಲ್ಲಿ ಕಳೆಯುತ್ತಿರುವ 15 ವರ್ಷದ ಪೋರನೋರ್ವ ಸ್ವತಃ ವಿದ್ಯುತ್ ಉತ್ಪಾದನೆಯ ಯಂತ್ರವನ್ನು ಸಂಶೋಧಿಸಿ ಜಾಗತಿಕವಾಗಿ ಅಚ್ಚರಿಗೆ ಕಾರಣವಾಗಿದ್ದಾನೆ. ಹುಸಾಮ್ ಅಲ್ ಅತ್ತರ್ ಎಂಬ ಹೆಸರಿನ ಈ ಬಾಲಕ ಮತ್ತು ಆತನ ಕುಟುಂಬ ಪಶ್ಚಿಮ ಗಾಝಾದಿಂದ ನಿರಾಶ್ರಿತರಾಗಿ ರಫಾದ ಗಡಿಗೆ ವರ್ಗಾವಣೆಗೊಂಡಿದೆ. ರಾತ್ರಿ ಎಲ್ಲೆಲ್ಲೂ ಕತ್ತಲು. ಈ ಕತ್ತಲೆಯನ್ನು ಓಡಿಸುವುದಕ್ಕಾಗಿ ಆತ ಪಟ್ಟ ಶ್ರಮ ಇದೀಗ ಜಗತ್ತಿನ ಗಮನವನ್ನು ಸೆಳೆದಿದೆ.

ಹಳೆ ಸಾಮಾಗ್ರಿಗಳನ್ನು ಮಾರುವ ಅಂಗಡಿಯಿಂದ ಎರಡು ಫ್ಯಾನ್‌ಗಳನ್ನು ಈ ಪೋರ ಖರೀದಿಸಿದ್ದಾನೆ. ಬಳಿಕ ಅದಕ್ಕೆ ಅಗತ್ಯವಾಗಿರುವ ವಯರ್ ಮತ್ತು ಇನ್ನಿತರ ಉಪಕರಣಗಳನ್ನು ಜೋಡಿಸಿದ್ದಾನೆ. ಬ್ಯಾಟರಿಗಳನ್ನು ಜೋಡಿಸುವುದಕ್ಕೆ ಸೂಕ್ತವಾಗುವಂತೆ ಫ್ಯಾನುಗಳನ್ನು ಒಂದರ ಮೇಲೆ ಇನ್ನೊಂದರಂತೆ ಜೋಡಿಸಿದ್ದಾನೆ. ಈ ಮೂಲಕ ಫ್ಯಾನ್ ತಿರುಗುವಾಗ ವಿದ್ಯುತ್ ಉತ್ಪಾದನೆಯಾಗುವಂತೆ ನೋಡಿಕೊಂಡಿದ್ದಾನೆ.

ಈತನ ಈ ಸಂಶೋಧನೆಯ ಸಂಶೋಧನೆಯು ಗಾಝಾದ ಎಲ್ಲೆಡೆ ಮನೆ ಮಾತಾಗಿದೆ. ಇದೀಗ ಈತನನ್ನು ಗಾಝಾದ ನ್ಯೂಟನ್ ಎಂಬ ಕರೆಯಲಾಗುತ್ತಿದೆ
ಒಂದು ಆಪಲ್ ತಲೆಗೆ ಬಿದ್ದ ಕಾರಣದಿಂದ ನ್ಯೂಟನ್ ಗುರುತ್ವಾಕರ್ಷಣೆಯನ್ನು ಕಂಡು ಹಿಡಿದ.. ನಾನಾದರೋ ಕತ್ತಲೆಯಿಂದ ಹೊರಬರುವುದಕ್ಕಾಗಿ ವಿದ್ಯುತ್ತನ್ನು ಕಂಡುಹಿಡಿದೆ ಎಂದು ಬಾಲಕ ಮುಗ್ಧವಾಗಿ ಹೇಳಿದ್ದಾನೆ.

ಇತ್ತೀಚಿನ ಸುದ್ದಿ