ಲಂಡನ್ ನಲ್ಲಿ ಟೈ ಖರೀದಿ ವೇಳೆ ಅಮಿತಾಭ್ ಬಚ್ಚನ್ ರನ್ನು ಅಂಗಡಿಯವ ಕೇವಲವಾಗಿ ನೋಡಿದ್ದನಂತೆ!
ಲಂಡನ್ ನಲ್ಲಿ ಟೈ ಖರೀದಿಗೆ ಹೋಗಿದ್ದ ವೇಳೆ ಅಮಿತಾಭ್ ಬಚ್ಚನ್ ಅವರನ್ನು ಅಂಗಡಿಯವನು ಕೇವಲವಾಗಿ ನೋಡಿದ್ದನಂತೆ, ಈ ವೇಳೆ ಅಮಿತಾಭ್ ಬಚ್ಚನ್ ಏನು ಮಾಡಿದ್ರು ಅಂತ ಕಾರ್ಯಕ್ರಮವೊಂದರಲ್ಲಿ ಹಂಚಿಕೊಂಡಿದ್ದಾರೆ.
ಖಾಸಗಿ ವಾಹಿನಿಯಲ್ಲಿ ಕಾರ್ಯಕ್ರಮವೊಂದನ್ನು ಅಮಿತಾಭ್ ನಿರೂಪಣೆ ಮಾಡುತ್ತಿದ್ದಾರೆ. ಅದರಲ್ಲಿ ಬಿಗ್ ಬಿಗೆ ನೀವು ಶಾಪಿಂಗ್ ಹೋದಾಗ ಖರೀದಿಸುವ ವಸ್ತುಗಳ ಬೆಲೆಯನ್ನು ನೋಡುತ್ತೀರಾ? ಎನ್ನುವ ಪ್ರಶ್ನೆಗೆ ಉತ್ತರಿಸುತ್ತಾ, ಅವರು ಹಳೆಯ ಘಟನೆಯೊಂದನ್ನು ನೆನಪು ಮಾಡಿಕೊಂಡರು.
ಲಂಡನ್ ನಲ್ಲಿ ಅಮಿತಾಭ್ ಬಚ್ಚನ್ ಶಾಪಿಂಗ್ ಗೆ ಹೋಗಿದ್ರಂತೆ. ಈ ವೇಳೆ ಅಲ್ಲಿದ್ದ ಟೈವೊಂದು ಅವರ ಗಮನ ಸೆಳೆದಿತ್ತು. ಅದನ್ನು ತೆಗೆದುಕೊಂಡು ನೋಡುತ್ತಿದ್ದ ವೇಳೆ ಅಂಗಡಿಯವನು ಅಲ್ಲಿಗೆ ಬಂದು, ಕೇವಲವಾಗಿ ನೋಡಿ, ಇದರ ಬೆಲೆ 120 ಎಂದಿದ್ದಾನಂತೆ. ನೋಡಿ ಪ್ರಯೋಜನವಿಲ್ಲ, ನಿನ್ನಿಂದ ಅದನ್ನು ಖರೀದಿಸಲು ಸಾಧ್ಯವಿಲ್ಲ ಎಂಬಂತೆ ಅವನ ಧ್ವನಿ ಇತ್ತಂತೆ.
ಈ ವೇಳೆ ಅಮಿತಾಭ್ ಬಚ್ಚನ್ ಅವರು, ಅಂತಹ 10 ಟೈ ಪ್ಯಾಕ್ ಮಾಡು ಎಂದು ಆರ್ಡರ್ ಮಾಡಿದ್ರಂತೆ ಈ ವೇಳೆ ಅಂಗಡಿಯವನಿಗೆ ಶಾಕ್ ಆಗಿತ್ತಂತೆ. ಭಾರತೀಯರು ಅಂತ ನಮ್ಮನ್ನು ಯಾರು ಕೂಡ ಕಡಿಮೆ ಅಂದಾಜು ಮಾಡಬಾರದು ಎಂದು ಅಮಿತಾಭ್ ಬಚ್ಚನ್ ಹೇಳಿದರು.
ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ:
