ಅಜ್ಮೀರ್ ಶರೀಫ್ ದರ್ಗಾ ಮೊದ್ಲು ಶಿವ ದೇವಾಲಯವಾಗಿತ್ತು: ಕೋರ್ಟ್ ಗೆ ಅರ್ಜಿ ಸಲ್ಲಿಸಿ ವಿವಾದ ಸೃಷ್ಟಿಸಿದ ಹಿಂದೂ ಸೇನಾ
ದೇಶದಲ್ಲಿ ಮತ್ತೊಂದು ವಿವಾದ ಎಬ್ಬಿದೆ. ದೇಶದ ಪ್ರಸಿದ್ದ ಅಜ್ಮೀರ್ ಶರೀಫ್ ದರ್ಗಾವು ಮೂಲತಃ ಪ್ರಾಚೀನ ಶಿವ ದೇವಾಲಯವಾಗಿತ್ತು ಎಂದು ಹಿಂದೂ ಬಣವೊಂದು ವಾದಿಸಿದೆ. ಈ ಹೊಸ ಪ್ರತಿಪಾದನೆಯೊಂದಿಗೆ, ಮಸೀದಿಗಳು ಮತ್ತು ದರ್ಗಾಗಳಿಗೆ ಸಂಬಂಧಿಸಿದ ವಿವಾದಾತ್ಮಕ ಹಕ್ಕುಗಳ ಪಟ್ಟಿಗೆ ಮತ್ತೊಂದು ಅಜ್ಮೀರ್ ಹೆಸರನ್ನು ಸೇರಿಸಲಾಗಿದೆ.
ಮೊಯಿನುದ್ದೀನ್ ಚಿಸ್ತಿ ದರ್ಗಾವನ್ನು ದೇವಾಲಯವೆಂದು ಘೋಷಿಸುವಂತೆ ಕೋರಿ ಹಿಂದೂ ಸೇನಾ ಸಂಘಟನೆಯು ರಾಜಸ್ಥಾನ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದೆ. ಜ್ಞಾನವಾಪಿ ಸಂಕೀರ್ಣದಂತೆ ಹಿಂದೂ ಸಂಘಟನೆಗಳು ಈಗ ಅಜ್ಮೀರ್ ಶರೀಫ್ ದರ್ಗಾದ ಮೇಲೆ ಹಕ್ಕು ಸಾಧಿಸಲು ಮುಂದೆ ಬಂದಿದೆ ಎಂದು ಆರೋಪಿಸಲಾಗಿದೆ.
ಸೂಫಿ ಸಂತ ಖ್ವಾಜಾ ಮೊಯಿನುದ್ದೀನ್ ಚಿಸ್ತಿ ಅವರ ಪವಿತ್ರ ಸ್ಥಳವಾದ ಅಜ್ಮೀರ್ ಶರೀಫ್ ದರ್ಗಾವನ್ನು ಮೊಘಲ್ ಚಕ್ರವರ್ತಿ ಹುಮಾಯೂನ್ ನಿರ್ಮಿಸಿದನೆಂದು ಐತಿಹಾಸಿಕವಾಗಿ ಗುರುತಿಸಲಾಗಿದೆ. ಆದರೆ ಈಗ ಸುಮಾರು ಎಂಟು ನೂರು ವರ್ಷಗಳ ನಂತರ ಹಿಂದೂ ಸಂಘಟನೆಗಳು ಅಜ್ಮೀರ್ ಶರೀಫ್ ದರ್ಗಾದ ಮೇಲೆ ತಮ್ಮ ಹಕ್ಕನ್ನು ಪ್ರತಿಪಾದಿಸಿವೆ.
ಈ ಸ್ಥಳದಲ್ಲಿ ದೇವಾಲಯದ ಅಸ್ತಿತ್ವಕ್ಕಾಗಿ ಹಿಂದೂ ಸೇನಾ ಮಹತ್ವದ ವಾದವನ್ನು ಮಂಡಿಸಿದ್ದು, ದರ್ಗಾವನ್ನು ಖಾಲಿ ಭೂಮಿಯಲ್ಲಿ ನಿರ್ಮಿಸಲಾಗಿದೆ ಎಂದು ಯಾವುದೇ ಮುಸ್ಲಿಂ ಗ್ರಂಥಗಳು ಉಲ್ಲೇಖಿಸಿಲ್ಲ ಎಂದು ಹೇಳಿದೆ. ಅಸ್ತಿತ್ವದಲ್ಲಿರುವ ರಚನೆಯನ್ನು ಬದಲಾಯಿಸುವ ಮೂಲಕ ದರ್ಗಾವನ್ನು ನಿರ್ಮಿಸಲಾಗಿದೆ ಎಂದು ಇದು ಸೂಚಿಸುತ್ತದೆ.
ಮುಸ್ಲಿಂ ಆಕ್ರಮಣಕಾರರಿಂದ ನಾಶವಾದ ಶಿವ ದೇವಾಲಯವಿತ್ತು. ನಂತರ ಅಲ್ಲಿ ದರ್ಗಾವನ್ನು ಸ್ಥಾಪಿಸಲಾಯಿತು ಎಂದು ಹಿಂದೂ ಸೇನಾ ಹೇಳಿಕೊಂಡಿದೆ. ಈ ಹೇಳಿಕೆಗೆ ಅಜ್ಮೀರ್ ಶರೀಫ್ ದರ್ಗಾದ ಆಡಳಿತ ಮಂಡಳಿಯಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ.
ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.
ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth
