ಅನರ್ಹಗೊಂಡ ಆರು ಕಾಂಗ್ರೆಸ್ ಶಾಸಕರನ್ನು 'ಕಪ್ಪು ಹಾವುಗಳು' ಎಂದು ಕರೆದ ಹಿಮಾಚಲಪ್ರದೇಶದ ಸಿಎಂ - Mahanayaka

ಅನರ್ಹಗೊಂಡ ಆರು ಕಾಂಗ್ರೆಸ್ ಶಾಸಕರನ್ನು ‘ಕಪ್ಪು ಹಾವುಗಳು’ ಎಂದು ಕರೆದ ಹಿಮಾಚಲಪ್ರದೇಶದ ಸಿಎಂ

02/03/2024

ರಾಜ್ಯಸಭಾ ಚುನಾವಣೆಯಲ್ಲಿ ಬಿಜೆಪಿ ಪರವಾಗಿ ಅಡ್ಡ ಮತದಾನ ಮಾಡಿದ್ದಕ್ಕಾಗಿ ಅನರ್ಹಗೊಂಡ ಆರು ಕಾಂಗ್ರೆಸ್ ಶಾಸಕರ ವಿರುದ್ಧ ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖ್ವಿಂದರ್ ಸಿಂಗ್ ಸುಖು ವಾಗ್ದಾಳಿ ನಡೆಸಿದ್ದಾರೆ.

ಅವರನ್ನು “ಕಪ್ಪು ಹಾವುಗಳು” ಎಂದು ಕರೆದ ಸುಖು, ಬಂಡಾಯ ಶಾಸಕರು ತಮ್ಮ ಗೌರವವನ್ನು ಮಾರಿ, ಬಡವರ ಕಲ್ಯಾಣ ಯೋಜನೆಗಳನ್ನು ಒಳಗೊಂಡ ಬಜೆಟ್ ನಲ್ಲಿ ಮತದಾನದಿಂದ ದೂರ ಉಳಿಯುವ ಮೂಲಕ ಕಾಂಗ್ರೆಸ್ ಸರ್ಕಾರವನ್ನು ಅಸ್ಥಿರಗೊಳಿಸಲು ಪ್ರಯತ್ನಿಸಿದರು ಎಂದು ಹೇಳಿದ್ದಾರೆ.

ಹಣಕ್ಕಾಗಿ ತಮ್ಮ ಗೌರವವನ್ನು ಮಾರಿಕೊಳ್ಳುವ ಜನರು ತಮ್ಮ ಕ್ಷೇತ್ರದ ಜನರಿಗೆ ಹೇಗೆ ಸೇವೆ ಸಲ್ಲಿಸಲು ಸಾಧ್ಯ..? ಎಂದು ಸೋಲನ್ ಜಿಲ್ಲೆಯ ಕಸೌಲಿ ವಿಧಾನಸಭಾ ಕ್ಷೇತ್ರದ ಧರಂಪುರದಲ್ಲಿ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಿದ ಮುಖ್ಯಮಂತ್ರಿ ಪ್ರಶ್ನಿಸಿದರು.

ರಾಜಕೀಯದಲ್ಲಿ ಚುನಾವಣೆಯಲ್ಲಿ ಸ್ಪರ್ಧಿಸಲು ಅವಕಾಶ ನೀಡಿದ ತಮ್ಮದೇ ಪಕ್ಷವನ್ನು ಬೆಂಬಲಿಸದ ಜನರನ್ನು “ಕಪ್ಪು ಹಾವುಗಳು” ಎಂದು ಕರೆಯಲಾಗುತ್ತದೆ ಎಂದು ಸುದ್ದಿ ಸಂಸ್ಥೆ ಪಿಟಿಐ ವರದಿ ಮಾಡಿದೆ.

ಒಬ್ಬ ವ್ಯಕ್ತಿಯು ತನ್ನ ತಪ್ಪನ್ನು ಅರಿತುಕೊಂಡರೆ, ಅವರನ್ನು ಕ್ಷಮಿಸಬಹುದು. ಆದರೆ ಆರು ಬಂಡಾಯ ಶಾಸಕರು ಮೊದಲು ಕಳೆದ 72 ಗಂಟೆಗಳ ಕಾಲ ಇರುವ “ಜೈಲಿನಿಂದ” ಹೊರಬರಬೇಕು ಎಂದು ಹಿಮಾಚಲ ಪ್ರದೇಶ ಮುಖ್ಯಮಂತ್ರಿ ಹೇಳಿದ್ದಾರೆ.

 

ಜಾಗತಿಕ ಕನ್ನಡಿಗರ ಅಚ್ಚುಮೆಚ್ಚಿನ ಸುದ್ದಿತಾಣ ಮಹಾನಾಯಕ ಸುದ್ದಿಗಳನ್ನು ನಿಮ್ಮ ವಾಟ್ಸಾಪ್ ಗ್ರೂಪ್ ಗಳಿಗೆ ಕಳುಹಿಸಬೇಕೇ? ಹಾಗಿದ್ದರೆ, ನಿಮ್ಮ ವಾಟ್ಸಾಪ್ ಗ್ರೂಪ್ ಗೆ 8088059494 ನಂಬರ್ ಸೇರಿಸಿ.

ಗ್ರೂಪ್ ಗೆ ಜಾಯಿನ್ ಆಗಿ: https://chat.whatsapp.com/Jpfswu2K6fn62HOHSl5eth

ಇತ್ತೀಚಿನ ಸುದ್ದಿ