‘BTV’ ಅಮೂಲ್ಯ ಸುದ್ದಿ ವಿಚಾರ: “ನಿಮ್ಮ ಪತ್ರಿಕೆ ಮದ್ವೆ ಸುದ್ದಿ ಮಾಡಿಲ್ವಾ?” | “ಒಂದು ಇಮೋಜಿಗೆ ಇಷ್ಟು ಉರ್ಕೊಂಡ್ರೆ ಹೇಗೆ?” | ಪರ ವಿರೋಧ ಚರ್ಚೆ!

03/12/2021

ಕನ್ನಡ ಖ್ಯಾತ ನಟಿ ಅಮೂಲ್ಯ ಅವರು ಪ್ರೆಗ್ನೆಂಟ್ ಆಗಿದ್ದಾರೆ ಎಂಬ ಸುದ್ದಿಯನ್ನು ಕನ್ನಡ ಸುದ್ದಿವಾಹಿನಿ ‘BTV’ ವಿಶೇಷ ಸುದ್ದಿಯಾಗಿ ವಿವರಿಸುವ ಸಂದರ್ಭದಲ್ಲಿ ಬಳಕೆ ಮಾಡಿರುವ ಪದ ಇದೀಗ ಟ್ರೋಲಿಗರ ಬಾಯಿಗೆ ತುತ್ತಾಗಿದೆ. ಈ ವಿಚಾರಕ್ಕೆ ಸಂಬಂಧಿಸಿದಂತೆ ಇರುವ ವಿಚಾರವನ್ನು ಒಪ್ಪಿಕೊಳ್ಳುವ ಬದಲು, ಇಂದು ಬಿಟಿವಿ ಟ್ರೋಲ್ ಮಾಡುವವರನ್ನು ಮತ್ತು ಈ ಬಗ್ಗೆ ಕಮೆಂಟ್ ಮಾಡುವವರನ್ನು ತರಾಟೆಗೆತ್ತಿಕೊಂಡಿದ್ದು, ಇದರಿಂದಾಗಿ ಟ್ರೋಲ್ ಯುದ್ಧ ಮತ್ತೆ ಮುಂದುವರಿಯುವಂತಾಗಿದೆ.

Provided by

ಬಿಟಿವಿ ನಿರೂಪಕಿ ಟ್ರೋಲ್ ಮಾಡುವವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ, ‘ಬಿಟ್ಟಿ ಇಂಟರ್ ನೆಟ್ ಇದೆ ಎಂದು ಬೇಕಾಬಿಟ್ಟಿ ಕಮೆಂಟ್ಸ್ ಮಾಡ್ತೀರಾ?’ ಎನ್ನುತ್ತಾ, ಕನ್ನಡ ದಿನಪತ್ರಿಕೆಯೊಂದರ ಸಂಪಾದಕರು ಈ ಟ್ವೀಟ್ ಮಾಡಿರುವ ತುಣುಕನ್ನು ಪ್ರದರ್ಶಿಸಿ, ಹಿರಿಯ ಸಂಪಾದಕರೇ ನೀವು ಕೂಡ ಅವ್ರ ಟೀಂ ಸೇರಿಬಿಟ್ರಾ? ಆ ಸಂಪಾದಕರ ಪತ್ರಿಕೆಯಲ್ಲಿ ಸ್ಟಾರ್ ಗಳ ಮದ್ವೆ ಸುದ್ದಿ ಮಾಡಿಲ್ವಾ? ಎಂದು ಪ್ರಶ್ನೆ ಕೇಳಿದ್ದಾರೆ.

ಇನ್ನೂ ಈ ವಿಚಾರಕ್ಕೆ ಸಂಬಂಧಿಸಿದಂತೆ ಹಿರಿಯ ಪತ್ರಕರ್ತ ವಿಶ್ವೇಶ್ವರ್ ಭಟ್ ಟ್ವೀಟ್ ಮಾಡಿದ್ದು, “ಒಂದು ಇಮೋಜಿಗೆ ಇಷ್ಟು ಉರ್ಕೊಂಡ್ರೆ ಹೇಗೆ ಸ್ವಾಮಿ?” ಎಂದು ಪ್ರಶ್ನಿಸಿ, ಬಿಟಿವಿಯ ಪ್ರಶ್ನೆಗಳ ಸ್ಕ್ರೀನ್ ಶಾಟ್ ಹಂಚಿಕೊಂಡಿದ್ದಾರೆ.

ಎಲ್ಲ ಮಾಧ್ಯಮಗಳಲ್ಲಿಯೂ ಸ್ಟಾರ್ ನಟ, ನಟಿಯರ ಕುರಿತ ಸುದ್ದಿಗಳು ವಿಶೇಷ ಟೈಟಲ್ ಗಳಲ್ಲಿ ಪ್ರಕಟವಾಗುವುದು ಸಹಜ ಆದರೆ, ಕೆಲವೊಂದು ಬಾರಿ, ಲೆಕ್ಕಕ್ಕಿಂತ ಅಧಿಕ ಅನ್ನಿಸುವ ಟೈಟಲ್ ಗಳು ವಿವಾದಕ್ಕೀಡಾಗುತ್ತದೆ. ತಪ್ಪುಗಳು, ಗೊಂದಲಗಳಾದ ವೇಳೆ ಮಾಧ್ಯಮಗಳು ಪ್ರಬುದ್ಧತೆಯಿಂದ ಸಂಯಮದಿಂದ ವರ್ತಿಸಬೇಕಾಗುತ್ತದೆ ಎನ್ನುವ ಅಭಿಪ್ರಾಯಗಳು ಸದ್ಯ ಕೇಳಿ ಬಂದಿದೆ.