ತಂದೆ ಜೈಲು ಪಾಲು, ತಾಯಿ ಬಿಟ್ಟು ಹೋಗಿದ್ದಾರೆ, ಪುಟ್ಟ ಬಾಲಕ ಬೀದಿಪಾಲು - Mahanayaka
4:55 AM Thursday 29 - September 2022

ತಂದೆ ಜೈಲು ಪಾಲು, ತಾಯಿ ಬಿಟ್ಟು ಹೋಗಿದ್ದಾರೆ, ಪುಟ್ಟ ಬಾಲಕ ಬೀದಿಪಾಲು

16/12/2020

ಮುಜಾಫುರ್ ನಗರ: ಫುಟ್ ಪಾತ್ ನಲ್ಲಿ ಪುಟ್ಟ ಹುಡುಗನೊಬ್ಬ ನಾಯಿಯ ಜೊತೆಗೆ ಮಲಗಿದ್ದ ಫೋಟೋವೊಂದು ಸಾಮಾಜಿಕ ಜಾಲತಾಣಗಳದಲ್ಲಿ ವೈರಲ್ ಆಗಿದ್ದು, ಇದೀಗ ಬಾಲಕನಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ.

ಉತ್ತರ ಪ್ರದೇಶದ ಮುಜಾಫರ್​ ನಗರದಲ್ಲಿ ಪತ್ತೆಯಾಗಿರುವ ಈ ಹುಡುಗನಿಗೆ ತನ್ನ ತಂದೆ ಜೈಲು ಪಾಲಾಗಿದ್ದಾರೆ. ತಾಯಿ ತನ್ನನ್ನು ಬಿಟ್ಟು ಹೋಗಿದ್ದಾರೆ ಎನ್ನುವ ಎರಡು ವಿಷಯ ಮಾತ್ರವೇ ತಿಳಿದಿದೆ ಎಂದು ಹೇಳಲಾಗಿದೆ.

ಈ ಹುಡುಗನ ಹೆಸರು ಅಂಕಿತ್ ಎಂದು ತಿಳಿದು ಬಂದಿದೆ. ಜೀವನೋಪಾಯಕ್ಕಾಗಿ ಚಹಾ ಮತ್ತು ಬಲೂನ್ ಮಾರಾಟ ಮಾಡುತ್ತಿದ್ದ ಈ ಹುಡುಗ,  ರಾತ್ರಿ ವೇಳೆ ತನ್ನ ಪ್ರೀತಿಯ ನಾಯಿ ಡ್ಯಾನಿ ಜೊತೆಗೆ ಫುಟ್ ಪಾತ್ ನಲ್ಲಿ  ಕಂಬಳಿ ಹೊದ್ದು ಮಲಗುತ್ತಾನೆ.

ಅಂಕಿತ್ ತನ್ನ ನಾಯಿಯ ಜೊತೆಗೆ ಮಲಗಿರುವ ಫೋಟೋ ವೈರಲ್ ಆಗುತ್ತಿದ್ದಂತೆಯೇ ಮುಜಾಫುರ್​ ನಗರ ಎಸ್​ಎಸ್​ಪಿ ಅಭಿಷೇಕ್​ ಯಾದವ್ ಬಾಲಕನನ್ನ ಹುಡುಕುವಂತೆ ಸ್ಥಳೀಯ ಆಡಳಿತಕ್ಕೆ ಸೂಚನೆ ನೀಡಿದ್ದಾರೆ.  ಕೂಡಲೇ ತನಿಖೆ ಆರಂಭಿಸಿದ ಪೊಲೀಸರು ಅಂಕಿತ್​​ನನ್ನ ಪತ್ತೆ ಮಾಡಿದ್ದಾರೆ. ಸದ್ಯ ಜಿಲ್ಲಾ ಹಾಗೂ ಮಕ್ಕಳ ಕಲ್ಯಾಣ ಇಲಾಖೆಗೆ ಈತನ ಬಗ್ಗೆ ಮಾಹಿತಿ ನೀಡಲಾಗಿದ್ದು ಅಂಕಿತ್​ ನ ಕುಟುಂಬಸ್ಥರ  ಹುಡುಕಾಟದಲ್ಲಿ ಪೊಲೀಸರು ತೊಡಗಿದ್ದಾರೆ.

Disclaimer:

www.mahanayaka.in ಅಂತರ್ಜಾಲ ಮಾಧ್ಯಮದಲ್ಲಿ ಪ್ರಕಟವಾದ ಸುದ್ದಿಗಳಲ್ಲಿ ಯಾರದ್ದೇ ಭಾವನೆಗಳಿಗೆ ಧಕ್ಕೆಯಾಗುವಂತಹ ಅಥವಾ ನೋವುಂಟಾಗುವಂತಹ ಅಥವಾ ನಿಮಗೆ ಆಕ್ಷೇಪಾರ್ಹ ಎನಿಸಿದಂತಹ ಅಂಶಗಳ ಬಗ್ಗೆ ಓದುಗರು 9686872149 ನಂಬರ್ ಗೆ ಸುದ್ದಿಯ ಲಿಂಕ್ ಸಹಿತ ನಿಮ್ಮ ದೂರು ಸಲಹೆಗಳನ್ನು ವಾಟ್ಸಾಪ್ ಮಾಡಬಹುದು. ಅಥವಾ ಕರೆ ಮಾಡಬಹುದು. ನಿಮ್ಮ ದೂರನ್ನು ಪರಿಶೀಲಿಸಿ, ಅಂತಹ ಆಕ್ಷೇಪಾರ್ಹ ಅಂಶಗಳನ್ನು ತೆಗೆದು ಹಾಕಲು ಮಾಧ್ಯಮವು ಬದ್ಧವಾಗಿದೆ.

ಇತ್ತೀಚಿನ ಸುದ್ದಿ